Wa ko mo-endorse: Gullas
-A A +ASaturday, June 30, 2012
GITIN-AW ni Kongresista Eduardo Gullas sa unang distrito nga wa siya moendurso kang Kongresista Pablo John Garcia alang sa pagka-gobernador sa Sugbo sa 2013 election.
Atol sa inagurasyon sa bag-ong sports complex sa dakbayan sa Naga niadtong Biyernes, si Kongresista Gullas nipaila kang Kongresista Garcia nga sunod nga gobernador sa Sugbo.
Mga nanambong sa kalihukan nagtuo nga si Kongresista Garcia mao na ang suportahan sa partido ni Gullas.
Matod ni Gullas atol sa pakighinabi sa mga tigbalita nga wa pa madesisyoni sa ilang partido nga Alayon kon kinsa ang suportahan sa pagka gobernador sa umaabot nga election.
Hinuon giangkon sa kongresista nga dunay kasabutan karon ang Alayon ug ang One Cebu ni Gobernador Gwen Garcia nga mag-alyansa.
Gibutyag sab sa kongresista nga dunay tanyag ang Liberal Party (LP) ug ang United Nationalist Alliance (UNA) nga mag-alyansa.
Gipatik sa mantalaang SuperBalita Cebu Hulyo 01, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
