PUJ ma-phaseout?

GIPADAYAG ni Land Transportation Franchising and Regulatory Board (LTFRB) 7 director Ahmed Cuizon nga moabot ang panahon nga ang mga jeepney hinay-hinay nga mangawagtang sa kadalanan.

Iyang gipasabot nga tungod sa pagsud na sa bag-ong teknolohiya, di malikayan nga dunay mga PUJ drivers ug operators nga maapektuhan sa ipatuman nga kausaban labi na sa pagsugod unya sa Bus Rapid Transit (BRT) system.

Matod niya sama sa nahitabo kaniadto dihang ang mga tartanilya pa ang naghari sa kadalanan, moabot usab ang panahon nga ang mga jeepney di na usab maghari sa kadalanan ug mapulihan na og BRT isip bag-ong mode of mass transportation.

¡°Kaning tiyabaw ron sa mga drayber (jeepney), once upon a time, mao usab ang tiyabaw sa mga kutsero sa dihang ang mga tartanilya na-relocated sa background ug ang hari sa karsada ang mga jeepney na,¡± padayag ni Cuizon.

Atol sa 888 News Forum sa Marco Polo Plaza Hotel kagahapon, ang director nagkanayon nga ang mga jeepney giimbento human sa Ikaduhang Gubat sa Kalibutan.

Dugang pa niya nga temporaryo lang unta ang mga jeepney isip mode of mass transportation sanglit kini maoy gigamit kaniadto nga tighatod og mga ta­wo ngadto sa ubang mga lugar.

“So, let’s open our minds nga once upon a time, what had happened to the tartanilya, will now happen to the jeep,” suma pa sa opisyal.

Siya nipasalig nga di makawagtang sa pangina­buhi sa mga PUJ drivers ug operators ang ang pagpatuman unya sa BRT system sa Sugbo.