Balay sa Kano gisunog sa silingan
-A A +ASunday, July 15, 2012
AMERIKANO nga Negro, igo na lang sa pagpangutkot sa iyang ulo dihang na-ugdaw sa hingpit ang iyang temporaryong panimalay ug mga dokumento human gidauban sa iyang duha ka mga silingan niadtong alas 8:10 sa gabii sa dump site Barangay Pajo, lungsod sa Daanbantayan.
Si Mr. John East Jr., 42, dunay asawang Pinay, nangayo og pakitabang sa kapulisan sa Daanbantayan.
Nadakpan hinuon ang duha ka suspek nga sila si Lucio Monterde, 60, biyudo, mag-uuma ug Angelito Malinao, 43, minyo, airport porter, pulos taga Barangay Malingin sa samang lugar.
Si PO3 Dennis Velez, desk officer sa Daanbatayan Police, nagkanayon nga ang biktima nigawas sa ilang panimalay aron susihon ang iyang baka nga gitugway pipila ka metros gikan sa balay.
Sa pagbalik niini, nagkayo na ang iyang panimalay hinungdan nagdali siya sa pagtabang unta niini sa pag-iwag niya sa flashlight, iyang nakit-an si Monterde nga daling nilayo.
Ang danyos gibanabana nga P80 mil, lakip ang mga dokumento sa biktima ug daghang binuhing mga manok.
Ang biktima dunay dugay nang bangi tali sa mga suspek, kinsa gikatakdang pasakaan og kasong arson.
Gipatik sa mantalaang SuperBalita Cebu Hulyo 16, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
