Suspek sa paglugos sa iyang uyab, ‘sikop
-A A +AMonday, July 23, 2012
WANTED sa kasong pagpanglugos sa iyang minor de edad nga uyab sa miaging tuig, nadakpan sa kapulisan niadtong Sabado sa alas 5:30 sa hapon sa Barangay Poblacion 1,
lungsod sa Malabuyoc.
Si Gierold Devilleres 20, anyos nagpuyo sa nahisgutang lugar nasikop pinasikad sa warrant of arrest nga gi-siyu ni Judge James Stewart Ramon Hilamon sa Regional Trial Court (TRTC-62).
Si Chief Insp.Amadeo Pepito, hepe sa Malabuyoc Police, nagkanayon nga nangusog gyud ang mga ginikanan sa biktima tungod sa gihimo sa suspetsado nga positibo niini nahilabtan.
Gibutyag niini nga most wanted si Devilleres, diha sa lungsod, kinsa nisibat human gikasuhan sa pagpanglugos.
Apan gikatahong nasigpatan kini niadtong Sabado sa hapon nga nipauli hinungdan nga gi-serve gilayon ang warrant hinuon wala mosukol.
Gawas sa pagpanglusgos gipasakaan sab siyag kasong kalapasan sa RA7610 kun nailang Child Abuse Law.
Gipatik sa mantalaang SuperBalita Cebu Hulyo 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
