Dikes naguba; seawall miliki sa mga bawod
-A A +AMonday, July 30, 2012
GUMIKAN sa kadagko sa mga bawod sa dagat, naguba ang dike sa sityo Kalubihan ug nangliki ang seawall sa sityo Litmon sa Barangay Poblacion, dakbayan sa Talisay.
Naguba sab ang kabahin sa monyumento nga nahimutangan sa estatuwa sa mga sundawo sa Ikaduhang Gubat sa Kalibutan.
Nanulod ang tubig ngadto sa kabalayan sa sityo Kalubihan ug sityo Asan hinungdan sa kahasol nga nasinati sa mga lumolupyo.
Si Poblacion barangay councilor Gabriel Bonjoc nitug-an sa Sun.Star Superbalita nga tungod sa kadagko sa mga bawod, nangaguba ang dike ug ang dagat niabot na ngadto sa kabalayan.
Kauban ni Kapitan Teodoro Belleza ug konsehal Edmund Villarante, sayong gisusi sa mga opisyal sa barangay ang kahimtang sa mga lumolupyo sa sityo Kalubihan nga nanggawas sa ilang kabalayan.
Si Konsehal Danny Caballero nagdala og pan ug nagpapalit og duha ka sakong bugas alang mga lumolupyo.
Gipatik sa mantalaang SuperBalita Cebu Hulyo 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
