Miuwang sa away sa magtiayon gipusil; 2 angol
-A A +AMonday, July 30, 2012
TUNGOD sa pag-uwang sa away sa managtiayon, usa ka barangay tanod ug laing tawo nangaangol human sila gipamusil niadtong Dominggo sa hapon sa Sitio Dao, Barangay Tubod, dakbayan sa Toledo.
Si Felix Caballero, 59, minyo, tanod sa Barangay Subayon, dakbayan sa Toledo, samdan sa walang paa sammtang samdan sab sa tuong paa ang iyang higala nga si Simeon Camoro 39, minyo, taga Barangay Tubod.
Gitumbok nga suspek giilang si Ireneo Linihan, 39, minyo, daling nisibat human sa kremin ug wa na maabti sa ningresponding mga pulis.
Si SPO4 Gil Lastimosa, desk officer sa Toledo Police nga nahinabi sa Sun.Star Superbalita, nagkanayon nga ang mga biktima igo lang niuwang sa away sa suspek ug sa asawa niini.
Gikatahong pwerting huboga sa suspek hinungdan nga nagkaaway sa iyang asawa.
Ang mga biktima mi-uwang unta aron dili na modako pa ang away sa suspetsado ingon man sa iyang asawa apan kalit kining nibunot sa iyang gidalang armas dayon namusil hinungdan sa pagkaigo sa mga biktima.
Gipatik sa mantalaang SuperBalita Cebu Hulyo 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
