8 nahilo sa butete
-A A +ASunday, August 5, 2012
WALO ka mga sakop sa pamilya ang nalandig sa tambalanan human nangahilo sa sud-an sa paniudto nga butete niadtong Sabado sa Barangay Hilotongon, lungsod sa Bantayan, isla sa Bantayan.
Ang mga biktima mao si Alejandro Minguito, 51, amahan uban sa iyang mga anak nga sila si Alvin, 13 ug Rich Kay, 11; John Vincent Rayco, 9, apo; Dionisio Abrasada, 53, uban sa iyang mga anak nga sila si Joseph, 33 ug Joel, 23.
Sa imbestigasyon ni SPO1 Raul Hernaez, ug mga kauban sa Bantayan Police, si Alejandro Minguito nakapalit og usa ka kabo nga butete sa usa ka mananagat nga si Glen Opril niadtong Sabado sa buntag ug giluto alang sa paniudto sa pamilya.
Apan duha ka oras human sa ilang pagpangaon, nagsakit ang ilang tiyan ug nagsuka busa gidali sila pagdala sa Bantayan District Hospital.
Si Dr. Edgar Abelgas niingon nga luwas na ang kahimtang sa upat ug ang laing upat pabiling giobserbahan.
Gipatik sa mantalaang SuperBalita Cebu Agosto 06, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
