Gwen mipahalipay sa Ironman organizers

GIPAHALIPAYAN ni Gobernador Gwen Garcia ang mga organizer sa Cobra Ironman 70.3 Philippines nga malampuson napahi­gayon ang internatio­nal sports event niadtong Do­ming­go dinhi sa Sugbo.

“It was a huge success... I am not the one saying it, it’s the triathletes themselves that have said it.” saysay sa gobernador dihang nahinabi sa mga sakop sa media kagahapon human sa misa sa ika-443 nga founding anniversary sa Sugbo sa Kapitolyo.

Matod ni Garcia mis­mo si Pete Jacobs nga maoy na­­­kaposte og grand­slam ti­­tle sa Ironman 70.3 Philippines na­mahayag nga ang iyang pagdagan dinhi sa Sugbo maoy labing nindot sa tanang mga lumba nga iyang nasalmotan sa nagka­daiyang bahin sa kalibutan.

“He himself said that he had run in many races in the world but this was the best race
he had ever run.”

Siya nidugang ang ka­­hasol nga namugna sa maong sports event gumikan sa gipangsirad-an nga mga dalan gikan sa dakbayan sa Lapu-Lapu paingon sa siyudad sa Sugbo hangtod na sa dakbayan sa Talisay, mas gamay lang kon itandi sa matampo niini nga kalambuan sa sports tourism sa Sugbo.