Kasong libel batok sa Sun.Star editors gibasura sa CA
-A A +AMonday, August 6, 2012
ANG Court of Appeals (CA) ni-uphold sa acquittal sa duha ka mga Cebu-based journalists sa kasong libel nga gipasaka sa kanhi general manager sa gibungkag nga professional basketball team Cebu Gems hapit na mo 10 ang nakalabay.
Si Associate Justice Edwin Sorongon nidason sa hukom sa lower court nga nagbasura sa duha ka mga kasong libel batok kanila ni Pachico Seares, public & standards editor sa Sun.Star Cebu ug Sun.Star Superbalita [Cebu]; ug Michelle So, Superbalita editor-in-chief ug Sun.Star Cebu executive editor for administrative operations.
Matod sa appellate court nga sila si Seares ug So wa makahimo og libel.
“A close scrutiny of the above recitals revealed that accused had no participation in the publication of the alleged libelous articles,” matod sa hukom nga gisuwat ni Justice Sorongon alang sa CA Manila Eight Division.
Ang kaso nagagikan sa mga kasong libel nga gipasaka ni Danilo Francisco sa 2002 batok kanilang Seares, So, Paul Taneo, kanhi Sun. Star Cebu sports editor, anhing Jesus P. Garcia Sr., ug Homer Sayson, kanhi Sun. Star Cebu sports columnist .
Si Francisco nipasangil nga ang duha ka mga lindog, nga gisuwat ni Sayson ug gimantala sa Sun.Star Cebu sa 2001 ug 2002, nakamantsa sa iyang reputasyon.
Ang columns naghisgot kon giunsa sa Cebu Gems management pagtratar sa ilang mga player atol sa gibungkag nga Metropolitan Basketball Association (MBA).
Ang Parañaque City Prosecutor’s Office, sa resolution niini nga gipetsahan og Jan. 24, 2003, nakakita og ebedensya sa pagpasaka sa og duha ka mga kasong libel batok sa duha.
Dihang gi-arraign, sila si Seares, So ug Taneo ningdumili sa pag-plea, nga maoy hinungdan nga ang lower court nisuwat niini nga not guilty plea refused sa records sa kaso.
Ang Parañaque Regional Trial Court (RTC) ni-acquit sa tulo sa duha ka mga kasong libel tungod sa kakuwang og ebedensya aron sila kombiktuhon.
Sa pikas bahin, ang mga kaso ni Sayson gi-archive usab sa korte.
Ni-file si Francisco og appeal may labot sa civil nga aspeto sa kaso.
Matod sa CA nga ang mga pamahayag sa mga saksi sa prosekusyon wa maghisgot sa giingong partisipasyon sa mga respondent sa pagmantala sa mga artikulo.
“Needless to mention, the prosecution failed to prove conspiracy, or that accused Seares, Taneo, Garcia and So conspired or confederated or acted in concert with accused (Homer) Sayson in the publication of the articles other than the allegations in the Informations,” matod sa CA.
Gipatik sa mantalaang SuperBalita Cebu Agosto 07, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
