Joavan nasikop sa Moalboal

HUMAN sa kapin sa duha ka semana nga pag-ikyas ug pagtago-tago, nadakpan sa kapulisan ang giilang public enemy number one sa Central Visayas nga si Joavan Fernandez.

Mga sakop sa Moalboal police station pinangulohan ni Inspector Henry Orbeso ang nidakop kang Joavan alas 9:30 kagahapon sa buntag sa Club Sirena resort sa Barangay Saavedra, Moalboal,Cebu.

2 nangamatay sa aksidente

MABDOS namatay samtang kritikal ang iyang 8-anyos nga pag-umangkon ug laing tawo human sila gidaro sa multicab nga gimaniho sa usa ka barangay kapitan kagahapon sa ala 1:00 sa hapon sa national highway sa Barangay Mantalungon, Barili, Cebu.

Si Line Navarro, 35, minyo, mab­dos og pito ka buwan, taga Ba­rangay Bugtong Kawayan, Barili namatay diha-diha human nabuak ang ulo ug nakaangkon og grabing kadaot sa ubang parte sa kalawasan.

Davide nakigtagbo sa mga department head

AGIG pagpangandam sa iyang tahas pagka-gobernador sa Lalawigan sa Sugbo, nakigtagbo si Governor-elect Hilario Davide III sa mga department head sa Kapitolyo uban kang Acting Gov. ug karon Vice Governor-elect Agnes Magpale.

Matod ni Davide nga nakigkita siya sa mga department head aron makaila siya kanila ug aron pagsusi kon unsa nga concerns ang kinahanglang hatagan o igong pagtagad sa iyang paglingkod sa pwesto.

Tumulak miawhag sa mga taga BOPK nga makighiusa

GUSTO sa mga konsehal sa Team Rama nga napili sa miaging eleksyon nga magkahiusa ang ilang ti­nguha tali sa mga konsehal sa Bando Osmeña Pundok Kauswagan (BOPK) bisan kon managlahi ang ilang grupo sa ilang paglingkod karong Hulyo 1.

Si Dave Tumulak, kapitan sa Barangay Basak Pardo ug usa sa tulo ka mga konsehal nga napili sa south district ilawom sa grupo ni Mayor-elect Michael Rama, nipadayag og kaandam nga makighiusa alang sa kaayuhan sa dakbayan.

NBI nagpaabot sa pormal nga pamahayag sa inahan

Gipaabot na lang karon sa National Bureau of Investigation (NBI) 7 ang pormal nga statement gikan sa inahan ni Mario Alfie Ducayag nga si Fe Soledad sa dili pa ipasaka ang reklamo batok sa suspek sa kamatayon sa biktima ngadto sa piskaliya.

Gitug-an ni NBI 7 director, Atty. Antonio Pagatpat nga hapit na gyud mahuman ang NBI sa ilang imbestigasyon sa pagpamun-og ug pagpatay kang Mario Alfie sud sa usa ka mall sa downtown area sa dak­bayan sa Sugbo.

Ginang naligsan, patay

USA ka ginang ang patay human naligsan sa usa ka motorsiklo sa dan F. Paras, Barangay Poblacion, lungsod sa Barili, Sugbo ni­adtong Sabado.

Ang biktima mao si Carmelita M. Manto, 65, minyo, ug lumad nga molupyo sa Barangay Malolos, Barili.

Ulitawo girakrakan sa nanagsakay og motorsiklo, kritikal

KRITIKAL ang kondisyon sa usa ka ulitawo human girakrakan sa duha ka mga lalaking nanagsakay sa motorsiklo sa Barangay Tal-ot, lungsod sa Barili, Sugbo niadtong Sabado, alas 2:00 sa hapon.

Si Jimboy Sanchez, 22, ulitawo ug molupyo sa nahisgutang lugar, kritikal human ang bala nga niigo sa iyang tiyan milapos sa likod nga bahin sa iyang lawas.

Naghikog tungod sa pagmahal sa apo

APUHAN nagpusil sa kaugalingon human napakyas sa pagbaligya sa iyang yuta nga gamiton unta niya sa piyansa sa apo nga adis-adis nga nabilango tungod sa kaso sa gidiling drugas.

Si Rolando Tabotabo, 75, minyo, ug nailang kuwartahan sa ilang lugar nagpusil sa iyang kaugalingong tumong suwang sulod sa ilang panimalay sa miaging buntag sa Barangay 8, lungsod sa Tuburan.

Napili nga mayor sa Talisay gipusil?

DAGHAN ang nakugang sa mga text message nga gipakatap nga gipusil ang bag-o lang nidaog nga mayor sa dakbayan sa Talisay nga si Johnny V. delos Reyes.

Gitawgan sa Sun.Star Superbalita ang cellphone ni delos Reyes ug ang iyang asawa ang unang nakatubag ug na­kakatawa sa text messages.

Motorcycle center gilungkab, P34 mil nawa

KAWATAN o mga ka­watan nisakiyo sa ha­lin gikan sa usa ka motorcycle display center nga gilungkab sa mia­ging kaadlawon sa Seaside sa Barangay North Poblacion sa dakbayan sa Naga.

Si PO1 Crispin Amaquiton, desk officer sa Naga Police, nga nahinabi sa Sun.Star Superbalita nagkanayon nga si Jason Cabug-os, 30, officer-in-charge (OIC) sa Rusi Motorcycle Display Center nibutyag nga P34,638 mil nga ilang kita ang nawala na.

Drug lord’ usa sa `killers’ sa pulis

NAILHANG usa sa mga drug lord ang usa sa mga ningpusil patay kang SPO3 Jose Relampagos, imbestigador sa Tuburan Police, niadtong Biyernes sa hapon sa Sitio Pulangyuta, Barangay Looc, dakbayan sa Danao.

  Kini maoy gibutyag ni Supt. Resty Santos, hepe sa Danao Police Station dihang nahinabi sa dySS/Sun.Star Superbalita, kalabot kang Alvaro Alvaro, alias “Barok.”

28-anyos gipatay sa driver sa iyang giangkasan nga motor

USA ka babaye giunay pagpatay sa driver sa motorsiklo nga iyang giangkasan niadtong Biyer­nes sa gabii.

Drugas ang gidudahang motibo samtang nagtuo ang kapulisan nga ang biktima ug gunman managkaila ra.

CPA gipakgang sa OBO sa pagkoral

GIPAKGANG sa Cebu City Government pinaagi sa Office of the Building Official (OBO) ang pagkoral sa Cebu Port Authority (CPA) sa luna palibot sa Compaña Maritima duol sa Cebu City Hall.

Ang OBO niluwat og cease and desist order (CDO) niadtong Biyernes aron ipahunong ang pagkawot sa CPA sa mga lungag nga butangan sa haligi aron makoral na ang lugar.

19 ka oras nga brownout miigo sa 3 ka barangay

SULOD sa 19 ka oras nasinati ang brownout ni­adtong miaging adlaw sa tulo ka mga barangay sa dakbayan sa Lapu-Lapu.

Ang power transmission line sa National Grid Corporation of the Philippines (NGCP) nga nahimutang sa tiilan sa unang taytayan sa Mandaue ug Mactan, habig sa dakbayan sa Lapu-Lapu, gikatahong nasunog.

Planong paghimong lalawigan sa Mactan

GISAWAY sa Liberal Party ang tinguhang paghimo og probinsiya sa Mactan gikan sa dakbayan sa Lapu-Lapu ug dili maoy tubag sa mga suliran nga giatubang sa dak­bayan.

Samtang, ang kampo ni Lapu-Lapu City Mayor Paz Radaza ug Kongresista Aileen Radaza mipasalig nga sa higayon nga mamahimong probinsiya ang Lapu-Lapu, mousbaw ngadto sa 50 porsiyento ang kita nga magamit sa pagtunol sa mga nag-unang serbisyo.

`Misuborno’ og P300T sa pulis gidakop

OFFICIAL sa call center gipusasan human giingong ni­suway sa pagsuborno sa usa ka police official og P300,000 sa pag-release sa ilang mga computer unit nga nasakmit sa kapulisan sa ronda sa miaging gabii sa usa ka esta­blisemento sa Cebu Business Park, dakbayan sa Sugbo.

Si Ronaldo Hornales, vice president for external affairs sa Interface Techno-Phil Inc. (ITI), gipusasan ni Sr Insp. Michael Virtudazo, hepe sa Anti-Cybercrime Group.

Mike mogiya sa bag-ong mga sakop

ANDAM mogiya si Ma­yor Michael Rama sa napiling mga kandidato sa Team Rama nga unang higayon nga molingkod sa konseho sa dakbayan sa Sugbo.

Andam usab si Rama nga makig-uli sa maa­yong kabubot-on ngadto sa mga tawo nga nasilo kaniya hilabi na kadtong mga sakop sa konseho nga iya sa Bando Osmeña Pundok Kauswagan (BOPK).

Davide, Magpale gipangproklamar

GIPANGPROKLAMAR na nga mga mananaug sila si Governor-elect Hilario Davide III ug Acting Gov. Agnes Magpale pagkabise gobernador.

Si Davide nakakuha og 654,054 votes samtang ang iyang kaatbang nga si Kong. Pablo John Garcia nakakuha og 490, 148 votes.

Election protest ipasaka, di magyawyaw: Comelec

GIHAGIT sa Commission on Elections Comelec) ang tanang kandidato, ilabi na kadtong mga nangaparot sa eleksiyon, sa pagduso og election protest inay nga magsige og panaway sa Precinct Count Optical Scan (PCOS) Machines sa gihimong piniliay karong tuiga.

Gibarugan ni Comelec 7 Director Antonio Pagatpat nga sakto gyod ang resulta sa automated elections gamit ang PCOS machines ug walay mahimong makamaneubra niini.

Gullas miangkong pildi apan nasurprisa

BISAN ug una nang ni-concede si Kong. Eduardo Gullas sa iyang kapildihan sa mayoral race sa dakbayan sa Talisay batok sa magpapatigayon nga si Johnny delos Reyes, giangkon niini nga nasurprisa siya sa nahimong resulta sa piniliay.

Taliwala niini, gidawat niya ang iyang kapildihan ug mitanyag sa pagtabang sa bag-ong napiling Mayor sa iyang kapasidad isip usa ka pribadong molupyo sa ilang siyudad.

Labella midaug batok kang Young sa kulbahinam kaayo nga iphanay

KULBAHINAM kaayo ang inihapay sa resulta sa pagka-bise ma­yor sa dakbayan sa Sugbo ka­gahapon sa gabii apan ang running mate ni Mayor Michael Rama nga si Konsehal Edgardo Labella ang miguwa nga mananog pinaagi sa labaw nga 184 botos batok sa iyang kaatbang nga si Bise Mayor Joy Augustus Young.

Si Labella giproklamar sa Cebu City Board of Canvasser dihang ang tulo ka mga presinto diin depektuso ang mga compact flash (CF) cards niini pormal nang naka-transmit og resulta sa Commission on Elections (Comelec) kagabii.

`Psychic’ nga budol gang nakadala og P200 mil

SAMA sa buwa nga kalit lang nawala ang usa ka mangingilad human nakadagit og kwarta nga mobalor og P49,000 ingun man mga alahas nga mokabat og P131, 000 gikan sa usa ka ginang nga taga Sitio Sudina, Brgy. Guadalupe, dakba­yan sa Sugbo.

Ang biktima nga si Flordeliza Santillan nga na­hinabi sa Sun.Star Superbalita nagkana­yon nga taudtaud na nilang kaila ang suspek nga iya lang nailhan sa ngan nga Irene, taga Siquijor, nagpailang usa ka psychic.

Imahen ni Sto. Niño gikawatan og alahas

IMAHEN ni Sr. Santo Niño nga gisulod sa urna sa simbahan sa Redemptorist Church sa siyudad sa Sugbo gika­watan sa iyang mga alahas niadtong Martes sa sayong gabii.

Gituohang dunay mga manimbahay nga nakakita sa pagkuha apan way nagpakabana sa pagtuo nga taga simbahan ang nihimo.

Pulis gibilanggo

PULIS nadakpan sulod sa usa ka motel sa Mabolo human gireklamo sa usa ka taxi driver nga nisukmag kaniya ug niduslak sa sumbohan sa armas nga kalibre .45 pasado alas 4 kagahapon sa kaadlawon.

Tungod sa hitabo, dakong problema ang atuba­ngon ni SPO2 Emmanuel Cabilao nga anaa madistino sa Cebu Provincial Police Office human siya gireklamo ni Jesus Miones.

Mike nahibulong

BISAN kon nidaog na si Mayor-elect Michael Ra­ma batok kang Kongresista Tomas Osmeña, wa pa siya matagbaw, gustong mosusi kon unsay nahitabo nganong nitidlom ang iyang labaw sa mga boto.

Si Rama nakakuha og 217,448 botos batok sa 211,072 ni Osmeña sa ilang panag-ilog sa labing taas nga posisyon sa dakbayan sa Sugbo.

Mactan himuong laing probinsiya?

UNANG balaodnon nga ipalabang ni congresswoman-elect Aileen Radaza, unang babaye nga napiling representante sa bugtong congressional district sa dakbayan sa Lapu-Lapu mao ang paghimo sa dakbayan nga Province of Mactan.

Misaad ang 28 anyos nga Radaza nga karong buwan sa Hulyo atol sa pag-abli sa session sa Ubos Balay Balaoranan, iyang iduso ang maong balaodnon.

Tomas, Gullas gitumba sa kontra

SULOD sa kapin duha ka mga dekada ilang giharian ang natad sa pulitika sa Sugbo.

Apan sama sa ginaingon nga “ang tanan dunay kinutoban,” niabot ra ang panahon nga giparot sila si Kong. Tomas Osmeña sa Cebu City south district ug si Kong. Eduardo Gullas sa 1st distrist sa lalawigan sa Sugbo mga.

Pag-ihap gihunong

KASAMTANGANG gi­­sus­penso sa Provincial Board of Canvassers (PBC) ang ilang pag-ihap sa mga boto gikan sa lalawigan alas 6 sa gabii kagabii gumikan kay di na makapadala sa resulta sa election gumikan sa mga depektusong compact flash (CF) cards.

Si Cebu Provincial Pro­secutor Jane Petralba, sakop sa PBC, niingon nga sanglit adunay 19 ka mga lungsod ug siyudad sa probinsya nga di na makapadala sa resulta sa piniliay sa ilang tagsatagsa ka mga lugar.

Joavan nakaipsot sa ginukdanay

NAKAIPSOT sa mga kamot sa kapulisan ang giila nga Public Enemy no. 1 sa Sugbo nga si Joavan Fernandez sa dihang gigukod sa mga sakop sa Lapu-Lapu City Police Office (LLCPO) niadtong Lunes sa gabii.

Mamalitay og scrap iron sa Mandaue gipusil-patay

PATAY ang usa ka mamalitay og scrap iron sa dakbayan sa Mandaue sa dihang gidul-itan kini pagpusil sulod sa usa ka parlor.

Duha ka angulo ang gitan-aw sa kapulisan nga posibling maoy motibo sa maong krimen. Una may kalabotan sa negosyo ug ang posibling may kalabotan sa babaye.