Anti RH mas daghan
-A A +AWednesday, August 8, 2012
ADUNA nay igong gidaghanon ang grupo sa mga kongresista nga supak sa Reproductive Health bill sa Kongreso sa higayon nga mag-botasyon na sila niini.
Si Kong. Pablo John Garcia, kinsa supak sa RH bill, nitug-an nga ang mga kongresista nga pro-RH bill wa pay igong gidaghanon aron maaprobar ang balaudnon.
Nitataw si Garcia nga kon adunay katunga sa mayorya ang pabor sa RH bill apan nadunggan niya nga atol unya sa botasyon sa pag-aprobar sa balaodnon nagplano ning mo-abstain o kaha mo-absent.
Ang kongresista namahayag nga nibotar siya og “yes” aron mahunong na ang debate sa balaudnon ug mopahigayon na sila og botasyon niini.
Iyang gipahibawo nga may igong gidaghanon ang ilang grupo aron babagan ang RH bill.
Nagtuo siya nga sa Lunes sa gabii sunod semana hayan ipahigayon na ang botasyon.
Apan, nagduda siya nga hayan madelatar na usab kini tungod sa katalagman nga niigo karon didto sa Manila ug posibling may mga importante nga ipasar nga mga balaod nga may kalambigitan sa gikinahanglan sa katawhan sa kaulohan.
Gipatik sa mantalaang SuperBalita Cebu Agosto 09, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
