Baha sa NCR di mahitabo sa Cebu

POSEBLING mahitabo sa bisan asang lugar dinhi sa Central Visayas ug sa Mindanao ang ng grabeng pagbaha sa mga lugar sa National Capital Region (NCR) sayo ning semanaha.

Kini kon mahitabo ang way hunong nga uwan sulod sa taas nga panahon dala sa hangin nga habagat.

Hinuon matod ni Al Quiblat sa Philippine Atmos­pheric Geopyhsical and Astronomical Services Admi­nistration (Pagasa)-Mactan nga gamay ra ang posibi­lidad nga masinati sa Central Visayas, ilabi na sa Sug­bo, ang grabeng pagbaha tungod kay di sama sa Luzon nga daghang mga dam.

Ang Sugbo aduna lay duha ka mga dam. Usa sa Buhisan sa dakbayan sa Sugbo ug ang usa anaa sa syudad sa Carcar.

Dugang ni Quiblat nga ang grabeng pag-uwan da­la sa hanging habagat sud sa napu ka adlaw makapa-alarma tungod kay sukad-sukad sa kasaysayan sa Pagasa karon lang usab nila kini nasinati.

Tungod kay kasagaran sa hanging habagat mga hangin ug ginagmay nga uwan ra gyud ang dala niini.

Hinuon gipasabot ni Quiblat nga usa sa nakatampo sa grabeng pag-uwan sa Luzon mao kadtong bagyong Gener ug ang international nga bagyong Hakui nga ni-land fall na sa nasud sa China.