18-anyos nga dalaga patay sa pagpamusil sa Carcar

NAGSUNODSUNOD na ang mga kaso sa pagpamusil sa dakbayan sa Carcar sulong ning sayo nga bahin sa Agusto.

Ang kamatayon sa usa ka dalaga nga gipusil kagahapon sa hapon maoy ikaupat nga pagpamusil sa mao nga dakbayan ning buwana lang.

Namatay ang labing uwahing biktima human gipauwanan og mga bala sa duha ka mga lalakeng nagmotorsiklo samtang nag-videoke kagahapon sa alas 3 sa kadlawon sa Barangay Poblacion 1.

Si Mysa Plarisan, 18, taga Sitio Cogon, Barangay Poblacion 1, namatay paglabay sa pipila ka mga minutos dihang nidangat sa Carcar Provincial Hospital human makaangkog samad pinusilan sa walang dughan ug tuong bukton.

Si Chief Insp. Teodolfo Manatad III, hepe sa Carcar Police nga nahinabi sa Sun.Star Superbalita, nagkanayon nga ang biktima dunay gikalalis sa wa pa mahitabo ang krimen.

Gipadayag nga posibling kaila ra sa biktima ang suspek, kinsa nagsakay sa kolor blue nga motorsiklo nga paspas nga misibat.

Matod ni Plarisan nga naglakaw ra ang suspek dihang niabot sa dapit, samtang ang mga killer nagpaabot lang kaniya.

Ilang kuhaag pamahayag ang mga kabanay niini sanglit wa pa nila gika-estorya kay gihatagan lang una nila og panahon sa pag-atiman sa namatay.

Gilakip hinuon nila sa imbestigasyon ang anggulo sa love triangle.

Samtang ilaha pa usab nga kuhaan sa pamahayag ang duha ka mga kuyog sa biktima didto sa videoke house ingon man mga tawo sa lugar nga makatabang sa imbestigasyon.

Si PO2 Rosendo Binondo, imbestigador sa Carcar Police nga nahinabi sa Sun.Star Superbalita, nagkanayon nga ang namusil gibana-bana nga 5’3-5’4 ang gitas-on ug gamayon.

Wa sab kini magtabon sa ilang mga nawong hinungdan nga gituohan nila nga kaila ang biktima samtang ang mga kuyog niini ug nagbantay sa videoke wa makaila apan nakamay-ong sa panagway.

Matud pa ni Binondo nga ang biktima gikan sa plaza sa dakbayan nga nag-inom ug naglakaw sa iyang pagpauli uban sa higala nga babaye ug lalake.

Sa pag-abot nila tungod sa videoke house, ang suspek misinggit nga nangantiyaw kanila.

Tungod kay nakainom sab ang biktima mitubag kini.

Sa iyang pagtubag nahitabo ang ilang mainitong panaglalis sa usa ka lalake.

“Nagbugalbugal daw ang grupo sa suspek. Mitubag man ang biktima. Silay nagkalalis niini diin gibauran siya nga “paabuta ko,” dayon lakaw,”’ dugang ni Binondo.

Ang biktima nga nakainom nang daan uban sa iyang duha ka mga lalake nag-inom.

Apan sa wa pa siya gipusil patay, gipatiwas siya sa pagkanta sa videoke.

Human niini, gitawag siya sa suspek ug sa paggawas niya sa daplin sa dalan kalit nga gipusil.

Kiniy maoy ika-upat nga higayon sa pagpamusil sa dakbayan sa Carcar sulod ning sayong bahin sa Agusto.