Asawa sa ‘carnapper’, nadakpan
-A A +ASunday, August 12, 2012
ASAWA sa magpapatigayong giakusahan sa kasong qualified carnapping ang nasikop usab sa kapulisan niadtgong Sabado, duha ka adlaw human nasikop si Joven Entote sulod sa usa ka club sa Barangay Cogon-Ramos, dakbayan sa Sugbo niadtong Huwebes.
Si Joven, gidudahan nga illegal nagbalhin sa plate numbers sa mga sakyanan, suspek sa pagkawala sa van sa dakbayan sa Quezon nga giingong iyang gibaligya sa usa ka lending corporation sa siyudad sa Bacolod.
Ang mga operatiba sa Highway Patrol Group (HPG) sa Philippine National Police (PNP) nidakop usab kang Mary Anne Entote sa alas 10:55 sa gabii sa St. Michael’s Village sa Barangay Banilad atol sa pagpatuman sa search warrant alang sa gidudahang kinawat nga sports utility vehicles.
Ang kasong paglapas sa Republic Act 6539 or the Anti-Carnapping Law of 1972 ipasaka batok sa magtiayon karon, sumala ni Atty. Edwin Angay, hepe sa HPG’s legal service.
Ang Sun.Star Cebu nisuway sa pagpakighinabi sa asawa sa suspek nga natanggong sa Camp Sotero-Cabahug sa Barangay Lahug apan nagdumili kini sa pagtubag mga pangutana sa mga pulis samtang walay presensya sa iyang mga abogado.
Ang bana gidala na sa national headquarters sa HPG alang sa temporaryong kustodiya.
Samtang, tulo ka sakyanan ang nakuha gikan sa suspek. (Sun.Star Cebu)
Gipatik sa mantalaang SuperBalita Cebu Agosto 13, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
