Dunay 3rd force?
-A A +ASunday, August 12, 2012
POSIBLING hulmahon dinhi sa Sugbo ang ikatulong puwersa sa pulitika alang sa 2013 election.
Gipatumaw karon ang Enrique Rama ug Nerissa Soon-Ruiz nga tandem alang sa pagka gobernador ug bise gobernador.
Kon kini mahinayon, tulo ka grupo ang magsangka sa eleksyon sa probinsya, ang One Cebu party, Liberal Party (LP) ug ang ikatulo nga grupo.
Kasaligang tinubdan sa Sun.Star Superbalita nagbutyag nga dad-on nga partido sa Rama-Ruiz tandem mao ang Partido ng Demokratikong Pilipino (PDP) ug makig-alyansa sa United Nationalist Alliance (UNA) ni Bise Presidente Joseph Estrada.
Gisugdan na karon ang pagsuroy sa karaang mga sakop sa PDP sa tibuok probinsya sa Sugbo.
Ang One Cebu nipahibawo na sa ilang kandidato nga si Kongresista Pablo John “PJ” Garcia pagka gobernador.
Si Gobernador Gwen Garcia nibutyag nga sa di pa matapos karong buwana, ila nang ipahibawo kinsa ang mamahimong runningmate sa iyang manghod.
Samtang ang LP nipalig-on sab sa tandem nga Atty. Hilario “Junjun” Davide III ug Bise Gobernador Agnes Magpale. (VLM)
Gipatik sa mantalaang SuperBalita Cebu Agosto 12, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
