6 ka balay naugdaw
-A A +ASunday, August 19, 2012
NAABOT ang pipila ka establismento ug kabalayan sa M. Velez St., arangay Capitol Site, dakbayan sa Sugbo sa sunog kagahapon sa hapon.
Si Cebu City Fire Marshall William Tacaldo Jr. nga adunay unom ka mga balay ang naugdaw samtang may tulo niini ang partially burned diin gibanabana niyang anaa sa P800,000 ang danyos niini nga niigo ang sunog mga alas 5:20 sa hapon diin gideklarar sa 3rd alarm ang sunog.
Matod ni Tacaldo, bag-ong nipuli ni kanhi Cebu City Fire Marshall Aderson Comar, nakontrolar nila ang kaayo mga 25 minutos.
Nalakip sa pagkasunog ang Arbee’s Bakeshop, Josephine’s All Dental Services, Capitol Sari-Sari Store ug Golden Banawa Hardware.
Si Charito Alegre, 48, nga ang iyang balay lakip sa naugdaw nitug-an sa Sun.Star Superbalita nga si Juanito “Boyet” Potot nga gihulagway niyang “praning” ug ‘igsuon’ sa tag-iya sa Josephine’s maoy nisunog sa estabilisemento.
Nisaysay si Alegre nga giingong gidagkutan ni Boyet ang aircon hinungdan nga nisiga. Nitataw siya nga kadaghan na kini buhata ni Boyet apan napakgang.
Ang suspek sa pagsunog nadakpan ug gitanggong sa Fuente Police Station.
Gipatik sa mantalaang SuperBalita Cebu Agosto 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
