Operasyon sa Aviatour gisuspenso; CAAP mohimo og imbestigasyon

NIMANDO na si Transportation Secretary Manuel Roxas II sa pagpahigayon og makuting imbestigasyon sa pagkahagsa sa abyon sa Masbate nga gikamatyan nila ni Interior Secretary Jesse Robredoordered ug duha ka mga piloto.

Apan gitataw sa Aviatour Air nga bisan wa pa gimando ang imbestigasyon, ila nang gisuspenso ang ilang operasyon niadto pang Dominggo ug way bisan usa nila ka abyon nga gipalupad.

Si Roxas nimando kang Roxas Civil Aviation Authority of the Philippines (CAAP) Director General William Hotchkiss III sa pagpahigayon sa imbestigasyon sa Aviatour Air, operator Piper Seneca plane nga nahagsa sa Masbate niadtong Sabado sa hapon.

Niporma ang CAAP og composite team nga magsilbeng Aircraft Accident Investigation and Inquiry Board, nga gipangulohan ni Captain Amado Soliman, usa ka aviation industry expert sa flight safety suds a upat ka mga dekada; Captain Ramon Flores; ug Captain Elmer Pena.

Si Hotchkiss niingon nga ang suspension order nga giluwatan sa CAAP nag-ground sa tanang mga abyon sa Aviatour Air samtang gipahigayon ang hingpit nga imbestigasyon.

Ila usab nga gibantayan og maayo ang mga tipaka sa abyon nga nahagsa aron ilang masusi og maayo sa ingon madeterminar ang hinungdan sa pagkahagsa.

“This will be thoroughly examined by the CAAP composite team to gather accurate data on the real cause of the plane crash last Saturday,” he said.

Lakip sa susihon ang Aviatour School nga gipanag-iya mismo ni Bahinting.

Apan mismo ang Aviatour nidesisyon sugod niadtong Domingo nga i-ground ang ilang mga sakyanan ug nagsuspenso sa ilang operasyon.

Sa sayo pa, gibutyag ni Capt. Antonio Jureidini, director sa Flight School, Training and Safety, nga andam sila nga mopaubos sa bisan unsang imbestigasyon.

Gani ila nang gipaabot nga moanhi sa Sugbo ang mga sakop sa aircraft accident investigation team ug kadagkuan sa Dept. of Interior and Local Government (DILG) alang sa himuong dugang pakisusi. (SUNNEX)