2nd placer, 11 graduates sa CNU nasulod sa top 10
-A A +AThursday, August 23, 2012
ANG Professional Regulation Commission (PRC) nipahibalo kagahapon nga 27,823 gikan sa 60,895 nakapasar sa Nurse Licensure Examination nga gihimo sa Board of Nursing niadtong Hunyo 2012.
Ang Cebu Normal University (CNU), gawas nga 100 porsiyento ang pagpasar sa 207 ka examinees, 2nd placer ug laing 11 nga graduates sa CNU ang nasulod sa top 10.
Si Kirsten Erika Hife Pino maoy 2nd placer, 85.40 ug ang ubang nasulod sa top 10 mao sila si Joey Gonzales dela Torre, Jr., 85; Katherien Joyuce Umali Asufra, 84.60; Jennifer Kaye Licup Ducao, 84.60; Darcy Lizette Sanbtos Reroma, 84.20; Benjo Plaza Ato, 84; Krizia Marie Mila Cornel, 84; Laura Suzanne Kapili Suarez, 84; Louiza Mae Rabutan Andaya, 83.80; Guadamarie Angeli Arepal Estilliore, 83.80; Alma Almira Apao Jumawan, 83.80; ug Cyrus Cesar Rodriguez Tejam, 83.80.
Ang top 1 gikan sa University of Sto. Tomas, Roxanne Trinity Dotingco Lim, 86.20.
Tulo ka mga tunghaan sa nasod ang 100% passing rate naglakip sa CNU, Chinese General Hospital College of Nursing and Liberal Arts ug University of the Philippines-Manila.
Ang Velez College sa Sugbo nasulod sa top 10 sa taas og passing rate, 98.82 porsiyento.
Ang pasulit gipahigayon sa mga dakbayan sa Manila, Baguio, Cagayan de Oro, Cebu, Dagupan, Davao, Iloilo, Laoag, Legazpi, Lucena, Nueva Ecija, Pagadian, Pampanga, Tacloban, Tuguegarao ug Zamboanga.
Sumala sa Section 16 of Republic Act No. 9173, “all successful candidates in the examination shall be required to take an oath of professional before the Board or any government official authorized to administer oaths prior to entering upon the nursing practice.”
Ang mga malampusong examinees kinahanglan nga personal nga magparehistro ug molagda sa Roster of Registered Professionals.
Samtang, si CNU College of Nursing Dean Dr. Daisy Palompon niasoy sa Sun.Star Cebu pinaagi sa telepono nga ang iyang kolehoiyo nipatuman sa mas higpit nga lagda ug gidaghanon sa sections.
Matod niya, ang target niya nga 50 lang ka mga tinun-an per year level ug ang 2012 batch duna lay upat ka sections.
Si Palompon nga ang kalamposan sa mga ningkuha sa pasulit produkto sa hugot nga suporta sa administrasyon ug faculty nga tanan nakatapos sa masteral degrees.
Gipatik sa mantalaang SuperBalita Cebu Agosto 24, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
