Langyaw mipauli sa PNG, mupahuway
-A A +AWednesday, September 12, 2012
NIULI na sa ilang nasud kagahapon sa buntag ang langyaw nga nakulatahan sa duha ka mga sakop sa Special Weapons and Tactics (Swat) dihang siya gisikop kay nanghagis sa Barangay Banilad, dakbayan sa Sugbo.
Si Fritz Lastimoso, abogado ni Bennidict Peniai, nipahibawo nga ang iyang kliyente nilarga paingon sa Papua New Guinea kagahapon sa alas singko sa buntag.
“Benny (Peniai) flew to Papua New Guinea, 5am this morning. Made a personal decision to go home to take sometime off and unwind,” nagkanayon si Lastimoso sa iyang text message.
Si Peniai nag-atubang sa kasong disobedience to authority ug resisting arrest nga anaa gipasaka sa Municipal Trial Court in Cities (MTCC).
Gawasnon karon ang langyaw human nakapiyansa sa giatubang niyang kaso.
Wa pa sab silay hukom kon mokiha ba sa duha ka mga pulis.
Si MTCC Branch 4 Judge Rosabella Tormis maoy nipirma sa release order ni Peniai.Ang korte motakda pa sa pag-raffle kon asang sala molandig ang iyang kaso.
Gipatik sa mantalaang SuperBalita Cebu Septembre 13, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
