2 ka tinun-an sa CIS nangalumos

APO ni kanhi Kongresista Jose “Dodong” Gullas ug classmate niini nga Koreano sa Grade 8 sa Cebu International School (CIS) ang nangalumos samtang nangaligo duol sa usa ka falls atol sa ilang field trip niadtong Miyerkules sa Brent Subic sa Subic Bay.

Ang nangamatay giila nga sila si Jae Hak (James) Jung ug Kyle David Gullas Weckman, 13, anak ni Jackie Gullas Weckman ug apo ni Jose “Dodong” Gullas, executive vice president sa University of the Visayas.

“It is with great sadness that we now can confirm that Kyle Weckman has passed away.

Family and friends are on site with school representatives. As we are able to, we will share information with the community. We ask that everyone respect the family’s privacy until they can come together and give their own statement to the community.
tipik sa pamahayag ni Deidre Fischer, superintendent sa CIS nga mabasa sa website sa tunghaan.

Alas 3:00 sa hapon ni­adtong Miyerkules na­hitabo ang trahediya dihang nangaligo sila si Jung ug Weckman.

Unang nakit-an ang lawas sa langyaw nga tinun-an sa samang adlaw samtang si Weckman kagahapon lang nakit-an atol sa search and rescue operation.

Ang duha kabahin sa 41 ka mga tinun-an sa Grade 8 sa CIS nga niapil sa field trip didto sa Subic pagsaulog sa Philippine Week.

Ang lawas ni Gullas gipaabot nga moabot sa Sugbo pasado alas 11:00 kagabii.

Ang banay nga Gullas nikompirmar sa kamatayon ni Kyle David ug nangayo sa pagsabot sa publiko sa gibati nga kasub-anan sa ilang pamilya.

“The Gullas family, with great sadness, wishes to announce the untimely death of Kyle David Gullas Weckman...We regret to say that no other detail can be provided as the matter is still being investigated.