Kaso batok sa STC gi-dismiss sa huwes
-A A +AFriday, September 21, 2012
GIBASURA sa korte ang kasong child abuse nga gisang-at batok sa Saint Theresa’s College (STC) tungod sa ilang pagdili sa ilang mga tinun-an nga makapaso sa graduation kay ni-post og matod pa law-ay nga hulagway sa ilang Facebook account.
Nakadawat ang STC kagahapon og kopya sa hukom ni Regional Trial Court (RTC) Branch 17 Judge Silvestre Maamo Jr. nga nag-aprobar sa compromise agreement tali sa tunghaan ug sa mga ginikanan nga nipasaka kanilag reklamo.
Si Joan Largo, abogado sa STC, namahayag nga ang gipakanaog nga kamanduan ni Maamo nagpasabot nga giaprobahan ang hangyo sa mga ginikanan sa ilang tinun-an nga nagbakwi sa ilang gisang-at nga kaso batok sa tunghaan.
“STC takes the dismissal of the civil case as judicial imprimatur for the parties to put a closure to this issue,” matod ni Largo sa mga tigbalita kagahapon.
Nasayran, nga lima ka mga tinun-an sa STC ang wa gipapaso atol sa graduation niadtong Marso ning tuiga kay gisilutan sila tungod sa giingong paglapas nila sa balaod sa tunghaan dihang ni-post sila og law-ay nga mga hulagway sa Facebook.
Ang korte nipakanaog og temporary restraining order nga nagmando sa tunghaan papasuhon ang mga tinun-an apan wa kini gituman sa STC.
Gipatik sa mantalaang SuperBalita Cebu Septembre 22, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
