Nanginhas sa baybayon gikilatan, patay
-A A +ASaturday, September 22, 2012
USA ka 31 anyos nga lalake nga nanginhas aron ipakaon sa iyang pamilya namatay human maigo sa kilat sa baybayon sa Barangay Gairan, Bogo City niadtong Biyernes sa buntag.
Ang biktima giila ni PO3 Jim Susvilla sa Bogo City Police Station nga si Jessie Sam, taga Barangay Bungtod.
Ang insidente nahitabo mga alas 6 sa buntag sa dihang si Sam nanguha og kinhasun uban sa iyang amahan nga si Jerry, 56, samtang nagsige og uwan-uwan.
Way swerte kay si Sam naigo sa kilat hinungdan sa iyang pagkirig ug natumba.
Dali siyang gitabang sa iyang amahan ug gidala sa Bogo Provincial Hospital apan gideklarar siya nga dead on arrival.
Dugang pa ni Susvilla nga way nakitang mga paso sa lawas ang biktima apan siya namatay tungod sa kakusog sa boltahi sa kilat nga miigo kaniya.
Gipatik sa mantalaang SuperBalita Cebu Septembre 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
