Natusak sa bala
-A A +ASaturday, September 22, 2012
NAMATAY ang usa ka traysikol driver human gipusil sa makadaghang mga higayon sa nagkadaiyang bahin sa lawas samtang nagpahangin gawas sa ilang balay sa Barangay Cabangcalan, dakbayan sa Mandaue.
Ang biktima giila sa Mandaue City Police Office (MCPO) nga si George Cortes, 29, minyo, nagpuyo ra usab sa maong lugar.
Matod sa kapulisan nga pasado alas 9 sa gabii niadtong Sabado, ang biktima nigawas sa ilang balay aron unta magpahangin sa dihang kalit lang duha ka mga tawo nga sakay sa motorsiko kaniya sa makadaghang mga higayon.
Ang biktima naigo sa liog ingon man nagdakadaiyang bahin sa lawas.
Dali siyang gidala sa tambalanan sa dakbayan sa Sugbo apan namatay.
Si Insp. Ramil Morpos, pangulo sa Homicide Section, nibutyag nga pito gyud ka mga bala ang niigo sa lawas sa biktima.
Gipatik sa mantalaang SuperBalita Cebu Septembre 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
