Suspek sa pagsuway og lugos, nadakpan
-A A +ASunday, September 23, 2012
KAWANI sa Department of Public Works and Highways (DPWH) gisikop sa kapulisan human nisuway sa paglugos sa iyang silingan niadtong Sabado, alas 7:00 sa gabii, sa Barangay Consolacion, lungsod sa Dalaguete.
Si PO3 Noeh Rosales, imbestigador sa Dalaguete Police Station, nagkanayon nga ang biktimang si Mely (di tinuod ngan), 21, natulog niadtong higayona dihang nabantayan niya nga si James, 23, casual nga kawani sa DPWH 4th Eengineering nagpatong na kaniya.
Ang suspek mihubo sa pantalon sa biktima apan nakahimo pa kini sa pagtulod sa suspek, dayon nakadagan nangayog panabang sa iyang mga silingan ingon man sa kapulisan.
Ang biktima nitug-an nga atol sa hitabo wala diha ang iyang kapuyo sanglit nagtrabaho
pa niadtong mga higayona.
Matud ni PO3 Rosales, ang suspek nasikop nila sa panimalay niini human positibong giila sa biktima.
Ang suspek hugot nga nihimakak sa akusasyon batok kaniya ug nialigar nga gitumotumoan lang siya og istorya.
Gipatik sa mantalaang SuperBalita Cebu Septembre 24, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
