2 ang gipamusil
-A A +AWednesday, October 17, 2012
DUHA ka mga tawo ang gipamusil sa lungsod sa Consolacion, usa niini giingong bakul samtang ang laing biktima nananingil sa utang sa suspek.
Ang unang insidente nahitabo sa alas 7:40 sa gabii niadtong Martes sa Barangay Baring-Tilhaong.
Giila ang biktima nga si Erwin Bulhot, 19, nagpuyo sa maong lugar, samtang ang gikatahapan giila nga si Chilo Roy Dumaguet.
Sigun sa kapulisan nga ang biktima niadto sa balay sa gikatahapan ug naningil sa utang nga P60.
Apan nasuko ang gikatahapan, gipusil ang biktima sa bukobuko.
Ang biktima daling gidala sa usa ka ospital sa dakbayan sa Sugbo samtang ang
gikatahapan daling nisibat.
Ang ikaduhang insidente nahitabo sa Barangay Polpogan pasado alas 2 kagahapon sa kadlawon.
Ang biktima giila nga si Narsales Lumapas Jr., 33, minyo, taga Liloan, giingong bakul.
Matod sa kapulisan nga niabot ang biktima sa lugar sanglit anaa man kiniy iyaan sa lugar.
Ang biktima nga paingon mopauli kalit lang gipusil sa wa mailhnig tawo sa makadaghang higayon.
Ang biktima naigo sa nagkadaiyang bahin sa lawas lakip na sa nawong, liog, ug nagkadaiyang bahin sa lawas.
Nakuha gikan sa crime scene ang pito ka mga kabhang sa bala ug usa ka slug nga gituohang gikan sa kalibre .45 nga pistola.
Gipatik sa mantalaang SuperBalita Cebu Oktubre 18, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
