Gipusil sa Aloguinsan
-A A +AMonday, October 22, 2012
USA ka drayber sa habalhabal ang gipusil-patay sa iyang pasahero padulong sa bukirang dapit sa Barangay Kawasan, Aloguinsan, Sugbo niadtong Sabado sa hapon.
Ang biktima mao si Joel Labaja, 33, taga Barangay Tutay, Pinamungajan, naigo sa bala sa armas sa iyang ulo.
Si PO2 Rolly Navarro sa Aloguinsan Police Station niasoy sa Sun.Star Cebu nga ang pag-ataki nahitabo sa alas 5:00 sa hapon samtang gisakyan sa wala pa mailhing mamumuno.
Usa ka nagpakabana nga molupyo maoy nitawag sa kapulisan ug gidali pagdala si Labaja sa ospital apan nakabsan gyod kini sa kinabuhi.
Si Navarro nagkanayon nga nakadawat sila og taho nga ang mamumuno naniid na sa biktima.
“Siya gyud ang gipangita. Planado gyud,” matod sa pulis. (Sun.Star Cebu)
Gipatik sa mantalaang SuperBalita Cebu Oktubre 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
