`Tuwid na daan’ bati kon wa ang Diyos: Palma

-A A +A

Wednesday, December 26, 2012


NAGKINAHANGLAN ang mga tawo sa kadait ug kahayag ni Kristo, matod ni Cebu Archbishop Jose Palma sa iyang wali sa misa sa pagsugat sa Pasko niadtong Disyembre 24 sa gabii sa Cebu Metropolitan Cathedral sa dakbayan sa Sugbo.

Suma pa niini bisan ang usa ka “daan na matuwid” kon wala ang Ginuo sama sa usa ka “dead end”.

Siya nipasabot nga nagkinahanglan kita sa kalinaw labi na sa Kapitolyo nga anaa karon sa kasamok tungod sa duha ka mga gobernador nga nilingkod, usa ang gisuspenso nga gobernador, Gwen Garcia ug si acting Governor Agnes Magpale nga maoy gitudlo ug giila sa nasudnong kagamhanan.

Advertisement

Si Palma nagkanayon ang kadait gasa sa Dios mao nga si Kristo ginganlan og prinsipe sa kadait.

“Sa atong kasingka­sing, sa atong banay, sa atong probinsya, siya ang atong gikinahanglan aron dunay kadait. We need peace bisan sa atong Provincial Capitol...” padayag sa arsobispo sa iyang wali.

Kon wa ang kadait, kasamok ang maghari sa usa ka lugar, iyang gihimo nga panag-ingnan ang nahitabo nga masaker sa usa ka tunghaan sa Connecticut, USA diin kapin sa 20 ka mga tawo ang nangamatay nga ka­daghanan mga bata human girakrakan sa usa ka armado nga lalaki nga nagkutlo usab sa iyang kaugalingon.

Si Palma nidugang nga nagkinahanglan usab ang mga tawo sa kaha­yag ni Kristo tungod sa daghang mga kangitngit sa kinabuhi.

Matod niya dunay ubang mga tawo nagtuo nga mas maalam pa sila sa Santo Papa, ang uban nagtuo mas maayo pa sila sa Dios ug gusto nila nga paminawon sa higayon nga sila mosulti.

Apan ang tinuod, ang Ginuo lang ang makahatag sa panginahanglanan ug sa kahayag nga gikinahanglan sa mga tawo.

Si Palma nidugang bisan og nindot ang mga plano kon wala ang Dios, dili kini makahatag og kalipay ug kadait.

Gipatik sa mantalaang SuperBalita Cebu Desiembre 27, 2012.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for October 24, 2014
Sun.Star Jobs
  • Technology
  • Calamity Report
  • Pnoy
  • tell it to sunstar
  • Obituary
  • Habemus Papam
  • SunStar Celebrity
  • Filipino Abroad
  • Sun.Star Zup!
  • Pacman blog
  • Sinulog
  • Festivals
  • Sunstar Multimedia
  • ePaper
  • Philippine Polls
  • goodearth