Wakee moapelar sa hukom sa Comelec
-A A +AFriday, January 4, 2013
WA GIHAPON mawagtangi sa iyang ambisyon sa politika ang negusyante nga si Rex “Wakee” Salud nga gihukman sa Commission on Election (Comelec) nga di makadagan sa labing taas nga pwesto sa lungsod sa Cordova karong Mayo.
Ang abogado ni Salud nga si Filmore Gomos namahayag nga mosang-at silag motion for reconsideration sa hukom sa Comelec 2nd Division nga gikanselar ang sertipiko de kandidatura sa iyang kliyente.
“The decision is not yet final,” matod ni Gomos.
Nitataw siya nga si Salud pabiling kandidato sa pagka-mayor sa Cordova sa Mayo 13 nga piniliay.
Kining desisyon sa Comelec 2nd Division nga gipangulohan ni Commissioner Lucenito Tagle resulta sa petisyon nga gisang-at ni Cordova Mayor Adelino Sitoy nga ikanselar ang certificate of candidacy ni Salud.
Gipatik sa mantalaang SuperBalita Cebu Enero 05, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
