Napasok sa tanker, patay
-A A +ASaturday, January 5, 2013
PATAY nang nidangat sa tambalanan ang usa ka 48-anyos nga lalaki human mapasok sa Isuzu fuel tanker sa dakbayan sa Mandaue niadtong Biyernes, ala una sa hapon.
Ang biktima mao si Wilfred Barz, 48, minyo, taga Barangay Ibabao, Estancia, Mandaue.
Base sa imbestigasyon sa Traffic Division sa Mandaue City Police Office (MCPO), ang biktima gikan sa dakbayan sa LapuLapu sakay sa iyang motorsiklo paingon sa Mandaue apan paghiabot sa eskina sa dalan A.C. Cortes ug Plaridel sa Barangay Cambaro, iyang gikabangga ang fuel tanker ug napasok siya sa ilawom.
Ang tanker gimaneho ni Gary Nuena, 30, taga Luyang, Carmen, Sugbo.
Ang biktima gidala sa Vicente Sotto Memorial Medical Center (VSMMC) apan gidiklarar nga patay nang nadangat sa tambalanan.
Ang drayber sa Isuzu fuel tanker boluntaryong nitahan sa iyang kaugalingon ngadto sa kapolisan.
Gipatik sa mantalaang SuperBalita Cebu Enero 06, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
