9 patay sa bangga sa 2 ka sakyanan

-A A +A

Wednesday, January 16, 2013


SIYAM ang nangamatay human ang usa ka bus de pasaheroan gidaro sa prime mover, nga nagkarga og bulldozer kagahapon sa alas 4:40 sa hapon sa Barangay Uling, dakbayan sa Naga, Sugbo.

Ang Calvo bus (GWH 253) nga gimaniho sa trainee driver Junel Versoza, taga Barangay Media Onse, dakbayan sa Toledo.

Samtang namatay si Antonico Omagay, taga Barangay Punta Princesa, dakbayan sa Sugbo, driver sa prime mover (GUF-405).

Si Versoza nga nahinabi sa dySS Super Radyo nibutyag nga hinay ang iyang pagpadagan niadtong higayuna paingon sa dakbayan sa Toledo ug ang gikasugat nga prime mover maoy kusog nga gikatahong way brake.

Tungod sa kakusog sa impact, nalimbuwad ang bus ug nahagbong sa kanal dihang gidaro sa prime mover.

Si Versoza nabalian sa iyang kamot ug nakaangkon og mga kadaot sa lawas.

Ang driver sa prime mover namatay diha-diha human maayo sab nga pagkapiit atol sa disgrasya.

Ang nangamatay nga mga pasahero wa pa mailhi subay ning pagbalita, apan naglangkob sa upat ka mga lalake ug usa ka babaye.

Ang laing 25 ka mga tawo nga nangaangol gidala sa pagdala sa Carmen Copper Hospital sa Lutopan, dakbayan sa Toledo, ingon man sa Vicente Sotto Memorial Medical Center.

Si PO2 Cristino Canono, imbestigador sa traffic police sa dakbayan sa Naga nga nahinabi sa Sun.Star Superbalita, nagkanayon nga ang prime mover paingon sa dakbayan sa Naga gikan sa dakbayan sa Toledo.

Gikasugat ang Calvo bus nga gikan sa dakbayan sa Sugbo paingon sa dakbayan sa Toledo, apan nawad-an og brake ang prime mover sa pagdulhog niini.

Tungod sa ka bug-at sa kargang bulldozer, wa na makontrolar sa driver hinungdan nga gidaro ang Calvo bus.

Apan ang disgrasya maoy labing uwahi sanglit niadtong Martes sa alas 10:15 sa gabii, usa ka 14 anyos nadasmagan sa motorsiklo sa Barangay Colon, Naga.

Usa ka Micky Molbog, 14, dalaga, taga Colon Naga, nagpaalim sa tambalanan sa mao nga dakbayan samtang ang driver sa motorsiklo nga si Mario Rizada Jr., 24, taga Barangay Langtad, nalandig sab sa Vicente Sotto Memorial Medical Center.

Ang biktima milabang sa national highway hinungdan nga napunggak sa motorsiklo nga nagpai­ngon sa dakbayan sa Sugbo.

Pagka alas 11:10 sa buntag kagahapon, usa ang namatay samtang pito ang nangaangol sa banga sa multicab nga pasaheroan ug cargo truck sa may Barangay South Poblacion, dakbayan sa Naga.

Si PO2 Ronjie Nadorra, desk officer sa Naga Police nga nahinabi sa Sun.Star Superbalita, nagkanayon nga ang cargo truck (GDD-498) gimaniho ni Virgilio Cecibo, 24, minyo, taga Uper Mojon, dakbayan sa Talisay.

Matod niya nga namatay ang 4-anyos nga bata atol sa insidente.

Karga niini ang daghang mga sinakong semento dihang gikasugat ang pasaheroan nga multicab (GWT 155) nga gimaniho Guenever Candol, taga Barangay Lutac, kinsa paingon sa south nga bahin.

Gibutyag niini nga ang driver sa multicabnmidawat sa sinsiyo nga plite sa iyang pasahero apan natagak hinungdan nga iyang gikuot.

Apan sa iyang pagkoot sa ubos, wa na mosubay ang multicab sa pikas lane hinungdan nga maayong pagkadaro sa gikasugat nga cargo truck.

Gipatik sa mantalaang SuperBalita Cebu Enero 17, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

superbalita-cebu-2014-08-24
Sun.Star Jobs
  • Habemus Papam
  • tell it to sunstar
  • Calamity Report
  • Pacman blog
  • Sun.Star Zup!
  • Philippine Polls
  • SunStar Celebrity
  • Technology
  • Filipino Abroad
  • Sunstar Multimedia
  • ePaper
  • Sinulog
  • Festivals
  • Pnoy
  • goodearth
  • Obituary