Lapu way areas of concern sa piniliay
-A A +AWednesday, January 30, 2013
LAPU-LAPU City Commission on Election (Comelec) mipasalig nga walay areas of concern nga angayan nilang bantayan atol sa adlaw sa piniliay karong buwan sa Mayo.
“Safe ra gyud ang Lapu-Lapu,” tipik sa pamahayag ni Atty. Ann Janet Chua Hu-Lamban, city election officer.
Matod pa ni Lamban nga walay angayan nga kabalak-an sanglit ang mga kandidato sa matag partido iyang gihulagway nga pulos mga responsable.
Mapasigarbuhon nga gipahibawo ang opisyal nga atol sa iyang paglingkod isip election officer sa Lapu-Lapu City (Comelec) walay mga panghitabo nga naghulga sa kalinaw ug kahusay atol sa election.
Ang Comelec usa sa nipaluyo sa City Joint Security and Coordinating Center nga giabagan sa kapulisan, Naval Forces Central ug Philippine Air Force.
Gipahigayon kagahapon sa maong center ang seminar on procedure in the conduct of preliminary examination involving violation of the firearm ban and other deadly weapons.
Gipatik sa mantalaang SuperBalita Cebu Enero 31, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
