Patay nga tiguwang tuskig nang nakit-an

TUSKIG na nga nakit-an sa milabayng adlaw ang usa ka tiguwang nga mag-uuma nga gipusil samtang paingon sa iyang umahan sa sityo Olibas, Barangay Bonbon, dakbayan sa Sugbo sa milabayng buntag.

Ang maong tiguwang napalgan nga may labing minus tulo ka mga samad pinusilan sa nagkadaiyang parte sa lawas.

Ang namatay nailhan nga si Feliciano Arela, 64, nga nagpuyo sa maong dapit.

Si SPO1 Geofrey Gutual sa Homicide Section nagkanayon nga ang pag-umangkon sa biktima ang unang nakadiskubre.

Matod pa ni Renante Arela nga samtang naglakaw siya paingon sa ilang uma, iyang nabangalan ang lawas sa iyang oyo-an nga mituskig diha na sa tunga-tunga sa umahan nga may mga samad pinusilan.

Daling mipahibawo sa iyang kabanay si Arela ug mao nay nagpahibawo sa mga barangay official sa dapit ug maoy nanawag sa kapolisan.

Nagka-away ang biktima sa iyang silingan tungod sa yuta nga ilang gi-ugmad.