2 ka pushers sa Balamban ang gipatay

-A A +A

Saturday, June 1, 2013


NANGAMATAY ang duha ka mga drug pusher human sila gipamusil sa managlahing oras apan sa managsamang dapit sa Barangay Buanoy, Balamban, Sugbo.

Si Eugene Ina Acha, 30, ulitawo, taga Tisa, dakba­yan sa Sugbo, kasamtangang nagpuyo sa nahisgutang lugar, namatay human nakaangkon og samad pinusilan sa ulo ug ubang parte sa lawas.

Usa ka wa mailhing lala­ke nga nagsul-ob sa hard hat ug nagsul-ob sa uni­porme sa usa ka kompaniya sa nahisgutang lugar nga nagdala og kalibre .45 nga pistola maoy nipusil sa biktima sa makadaghang mga higayon.

Advertisement

Si SPO1 Jose Villarino, imbestigador sa Balamban Police nga nahinabi sa Sun.Star Superbalita, nagkanayon nga ang biktima nagbarog atbang sa barangay hall samtang dunay gika­estorya.

Ang suspek niabot nga naglakaw apan sa pagkatungod kalit nga namusil sa biktima, kinsa namatay diha-diha.

Matod ni Villarino nga illegal nga drugas ang motibo sa krimen maoy ilang gisu­bay sa imbestigasyon tungod kay ang biktima nalambigit sa illegal nga kalihukan.

Gipadayag niya nga ang biktima mamaligyag drugas sa dapit ug usahay giingong manambling sa mga kustomer sa drugas hinungdan nga daghan ang naglagot.

Ilang nahibaw-an nga badlungon ang biktima kay gikatahong gipabiya sa dakbayan sa Sugbo, aron makatrabaho sa Balamban diin siya gipapuyo sa iyang mga paryente.

Ang kapulisan naka-recover sa crime scene sa upat ka mga kabhang sa kalibre .45 duha ka mga slug.

Kagahapon sa alas 3:45 sa kaadlawon sa samang lugar, 200 metros lang gikan sa unang hitabo, gipusil patay sab ang usa ka gikatahapang drug pusher nga si Jimmy Badiang, 44, minyo, lumad nga taga Surigao del Norte, welder sa dakong kompaniya sa Balamban.

Matod ni Villarino nga wa mailhi ang gunman kay ang biktima didto sa iyang lawak gipusil ug way nakakita.

Ang iyang mga kauban sa giabangang balay nakurat dihang nakadungog silag usa ka sipang buto sa armas.

Sa ilang pagsusi sa lawak, nagbuy-od na kini nga naglunang sa kaugalingong dugo.

Ilang nahibaw-an nga si Badiang namaligya sab sa illegal nga drugas sa Balamban gawas sa iyang pagka-welder.

Wa niya isalikway nga may gikaaway ang biktima kalabot sa pagpamiligya og drugas.

Ang kapulisan nakakuha sa crime scene sa usa ka kabhang sa balas a kalibre .45 nga pistola ug usa ka slug.

Wa pa matino sa kapulisan kon managkalambigit ba ang duha ka mga krimen.

Gipatik sa mantalaang SuperBalita Cebu Hunyo 02, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for November 27, 2014
Sun.Star Jobs
  • Sunstar Multimedia
  • Habemus Papam
  • Calamity Report
  • Filipino Abroad
  • SunStar Celebrity
  • Festivals
  • Sinulog
  • ePaper
  • Obituary
  • Sun.Star Zup!
  • Pnoy
  • tell it to sunstar
  • Philippine Polls
  • goodearth
  • Technology
  • Pacman blog