13-anyos nga lalaki gipusil sa barangay tanod, patay

-A A +A

Sunday, June 16, 2013


PATAY ang 13 anyos nga batang lalaki human aksidenting napusilan sa barangay tanod nga gituohang hubog niadtong Sabado sa alas 7:30 sa gabii sa bukirang Barangay Anopog, lungsod sa Pinamu­ngajan.

Si Jaddy Owakan, grade 5 sa elementarya sa maong dapit, namatay dihadiha human ang bala niigo sa iyang liog nga niungot ug sa walang habig sa dunggan.

Nitahan sa awtoridad mao si Lolito Sebial, 47, minyo, mag-uuma ug barangay tanod sa dapit. Iyang gi-turnover ang paltik nga .38 revolver nga dunay lima ka buhing bala ngadto sa niresponding pulis.

Advertisement

Si SPO1 Peter Cuanso, imbestigador sa Pinamu­ngajan Police nga nahinabi sa dySS Super Radyo/Sun.Star Superbalita, nagkanayon nga ang barangay tanod gikan sa panimalay sa ilang silingan nga gikasal.

Naglakaw sa dalan paingon sa ilang panimalay, sa pag-abot niini tungod sa basketball court sa ilang barangay, dunay grupo sa mga batan-on nga nagtapuktapok.

Apil sa tapuktapok ang biktimang si Jaddy, gikatahong nagkalalis ang grupo sa mga batan-on hinungdan nga mihunong ang suspek nibunot sa iyang armas dayon pasalba.

Nikagar ang armas ug wala makabuto hinungdan nga nipasalba siya sa ikaduhang higayon apan sa wala pa niya mapataas ang iyang kamot, kalit nga nibuto ang armas hinungdan sa pagkaigo sa liog sa biktima.

Matod ni SPO1 Cuanso, ang bata wala na madala sa tambalanan ug namatay dihadiha samtang ang tanod nitahan kang Barangay Kapitan Wenie Gentapa, kinsa maoy nipahibalo sa kapulisan.

Ang suspek niangkon hinuon sa krimen nga wala niya tuyoa kay ang iyang gibuhat igo lang unta sa pagpasalba apan nadisgrasya na hinuon ang iyang silingan.

“Posibling naka-inom gyud siya unsay nasulod sa ulo o kaha nakaon nagpasalba man hinuon alegasyon niya nga duna daw naglalis mao to nga nibunot siya sa armas,” dugang ni SPO1 Cuanso.

Gawas sa pag-angkon sa krimen, nipadayag sa iyang pagmahay ang suspek sa iyang nahimo kay aksidenting napatay niini ang inosenting silingan.

Ang mga ginikanan sa bata, ang inahan nakuya­pan samtang ang amahan nga si Feliciano nakurat sa kalit nga makatayon sa iyang anak.

Pasakaan sa kabanay og tukmang kaso ang suspetsadong tanod karong adlawa, lakip niini ang kalapasan sa Child Abuse Law.

Gipatik sa mantalaang SuperBalita Cebu Hunyo 17, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for October 02, 2014
Sun.Star Jobs
  • Philippine Polls
  • Habemus Papam
  • tell it to sunstar
  • Pnoy
  • goodearth
  • Sun.Star Zup!
  • Calamity Report
  • Festivals
  • Technology
  • Filipino Abroad
  • Sinulog
  • Pacman blog
  • Obituary
  • SunStar Celebrity
  • Sunstar Multimedia
  • ePaper