Pagpamutol sa mga kahoy sa highway di pa madali: DENR

-A A +A

Saturday, October 12, 2013


BISAN og gipaluyohan sa tulo ka mga barangay sa dakbayan sa Naga ang pagpamutol sa mga punoan sa kahoy sa Department of Public Works and Highways, dili pa mahimong kasugdan sa ahensiya ang pagputol ug ang earth-balling, sumala sa labing taas nga opisyal sa Department of Environment and Natural Resources sa Central Visayas.

Si DENR 7 Regional Executive Director Dr. Isabelo Montejo nagkanayon kinahanglan pa motuman ang DPWH 7 sa ubang mga rekisitos nga
gipangayo sa ilang ahensiya sa giisyu nga special tree cutting permit (STCP).

Matod niya kinahanglan ilisan una og labing minos 13,800 ka native ug indigenous nga mga liso ang mga punoan sa kahoy nga pamutlon sa dili pa himuon ang aktwal nga tree cutting.

Advertisement

Ang DENR 7 mipatawag og tigom sa mga opisyal sa DPWH 7, ang nagdumala sa proyekto, kagamha­nan sa siyudad sa Naga ug ubang stakeholders ugma sa alas 9:00 sa buntag sa buhatan sa Community Environment and Natural Resources (CENRO) sa pier 3, siyudad sa Sugbo.

Ang mga konseho sa mga barangay Tinaan, Inoburan ug Langtad mipalabang og tagsa ka resolution niadtong Oktubre 2 nga nagpahibawo nga wa silay pagsupak sa pagpamutol sa mga punoan sa kahoy ug pag-earth ball sa uban niini nga anaa daplin sa karsada alang sa nagpadayon nga road widening project sa DPWH 7 gikan sa Naga City paingon sa Carcar City.

Nihatag usab sila og certification nga nakabasa sila ug nakasabot sa mga implikasyon sa proyekto ug nasayod sila sa mga epekto ug benepisyo niini.

“This is one of the conditions of the clearance granted by the DENR central office and the issued to the Department of Public Works and Highways (DPWH),” nagkanayon si Montejo.

Siya nitataw ang walo ka mga punoan sa acacia (ang usa, natumba duha ka buwan na ang nakalabay) ang angay na nga putlon gumikan kay anaa na kini sa advanced stage sa pagkadunot.

Siya nidugang dili na usab mahimo nga i-rehabilitate o ipaubos sa tree surgery ang maong mga kahoy gumikan sa kaguwangon niini.

“These trees are very dangerous or critical if they would continue to stay there as they pose danger to life and property and besides the older the trees the lower their capacity to absorb carbon,” dugang pa niya.

Ang DENR 7 pinaagi ni Montejo niisyu og STCP alang sa pagputol sa 42 ka mga punoan sa kahoy, apil na ang walo ka century-old acacia trees nga nangadunot na. Human nihatag og pagtugot si Undersecretary for Field Operations Demetrio Ignacio Jr.

Gipatik sa mantalaang SuperBalita Cebu Oktubre 13, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for September 20, 2014
Sun.Star Jobs
  • Filipino Abroad
  • Pnoy
  • tell it to sunstar
  • Pacman blog
  • Sun.Star Zup!
  • Obituary
  • SunStar Celebrity
  • Festivals
  • Philippine Polls
  • ePaper
  • Technology
  • Calamity Report
  • Sunstar Multimedia
  • Habemus Papam
  • Sinulog
  • goodearth