Cedric Lee magtukod unta og pasilidad sa Sugbo

-A A +A

Tuesday, January 28, 2014


KONTROBERSIYAL nga magpapatigayon nga si Cedric Lee nipresentar og proposal alang sa waste-to energy project sa kagamhanan sa lalawigan sa Sugbo sa niaging semana, sa wala pa ang insidente sa pagpangulata sa actor nga si Vhong Navarro diin siya ang usa sa mga suspek.

Si Lee nalambigit sa kontrobersiya sa gii­ngong pagkulata sa aktor nga si Vhong Navarro.

Si Melita Labarejos, pangu sa Provincial Planning and Development Office, nitug-an nga mismo ang negosyante ang nihimo og presentasyon sa mga sakop sa Economic Enterprise Council labot sa proposal sa iyang kompaniya.

Advertisement

Kini nahitabo sa buhatan ni Provincial Administrator Mark Tolentino sa Kapitolyo nga gitambungan sa ubang mga sakop sa EEC.

Matod niya si Lee ang ikaupat nga proponent sa WTE project diin ang naunang tulo ka mga proposal ang giduso na ngadto sa Department of Energy alang sa technical evaluation.

Siya niklaro nga way pormal nga relasyon ang Waste Management Inc., ang kompaniya sa negosyante ug ang Kapitolyo.

“Wala pa as far as I know from that meeting, wala pa.” pagpasabot ni Labarejos.

Si Gobernador Hilario Davide III nikompirmar nga nagkita na sila ni Lee niadtong Disyembre sa niaging tuig diin siya gipahibawo sa proposal niini.

“I met the guy already. He came to my office last year to inform me of their waste to energy facility.” nagkanayon ang gobernador sa pakighinabi sa mga tigbalita.

Si Davide niasoy nga nangangkon ang negosyante nga dunay kontrata tali sa probinsya ug sa kompaniya niini alang sa maong proyekto.

Gani, gipakita pa si­ya og kopya sa memorandum of agreement bahin niini.

“I checked the records, there was a failure of bidding. There’s no contract between his company and the province. There’s none although they claimed nga dunay kontrata kuno o MOA kuno but failure of bidding gyud to,” pagpasabot sa gobernador.

Gipatik sa mantalaang SuperBalita Cebu Enero 29, 2014.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for October 23, 2014
Sun.Star Jobs
  • Festivals
  • tell it to sunstar
  • Filipino Abroad
  • Philippine Polls
  • Obituary
  • Pacman blog
  • SunStar Celebrity
  • Habemus Papam
  • Sun.Star Zup!
  • Pnoy
  • goodearth
  • Calamity Report
  • Technology
  • ePaper
  • Sunstar Multimedia
  • Sinulog