Patay na unta siya

-A A +A

Friday, March 21, 2014


ANG bata nga football player sa Sacred Heart School Ateneo de Cebu nanalipod kang Enrico Mongaya, kinsa gipasanginlan nga mihapak sa ulo sa goalie sa Alcoy FC sa ilang nagubot nga duwa niadtong Dominggo sa Under-18 Aboitiz Cup.

Matod sa bata, kinsang ngan gipugngan ning mantalaan, nga kon wa pa siya panalipdi sa iyang “Tito Rico”, hayan patay na siya.

“I could have ended up on top of an embalmer’s table. But you didn’t allow that to happen, Tito Rico,” matod sa bata sa iyang post sa iyang Facebook account pipila ka mga adlaw ang nakalabay.

Advertisement

Matod sa bata nga naglisod na siya pagginhawa human siya gi-headlock sa 5’7 footer nga goalie sa FC Alcoy nga iyang gihulagway nga mas dako kay niya.

Siya niingon nga naninguha siyang makabuhi sa giingong pagtuok kaniya sa goalie, apan wa siya makapiog sa kusog tungod sa kadako niini.

Nahibung siya kon nganong niluag ang pagkupot sa iyang liog. “I was able to breathe. Then, I realized that somebody saved me,” dugang sa football player.

Nasagmuyo siya tungod sa grabeng mga pagsaway nga nadawat ni Mongaya gikan sa publiko.

Siya niingon nga giluwas ni Mongaya ang iyang kinabuhi ug nasanta ang pagkahimo untang criminal sa laing menor tungod sa gibuhat niini.

“You just gave two young men another chance at life. Maybe, these people who crucified you want me dead and the goalie in jail. My heart breaks whenever I read nasty things about you,” dugang sa bata.

Alang kaniya, utang niya kang Mongaya ang iyang kinabuhi.

Gipatik sa mantalaang SuperBalita Cebu Marso 22, 2014.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for November 29, 2014
Sun.Star Jobs
  • Filipino Abroad
  • Festivals
  • tell it to sunstar
  • Sinulog
  • Pacman blog
  • SunStar Celebrity
  • goodearth
  • ePaper
  • Obituary
  • Sunstar Multimedia
  • Calamity Report
  • Habemus Papam
  • Philippine Polls
  • Technology
  • Pnoy
  • Sun.Star Zup!