`Tig-deliver’ og shabu sa construction workers nasikop sa kapulisan

TIG-DELIVER og shabu sa mga construction wor­ker sa Sityo Kakunsor, barangay Mactan, Lapu-Lapu City nadakpan human adunay nipadangat sa rek­­lamo ngadto sa Police Regional Office (PRO)7.

Giila ni Chief Insp. Conrado Manatad, hepe sa Police Station 2 sa Lapu-Lapu City Police Office ang mga suspek nga sila si Alvin Talingting ug ang menor de edad niya nga assistant nga gitago sa ngalan nga Ric-Ric, pulos mga lumolupyo sa barangay Mactan.

Saysay pa ni Manatad sa dihang nahinabi sa Sun.Star Superbalita nga si Talingting maoy tig­hatod og sinemana nga kun­sumo sa shabu ngadto sa mga trabahante sa usa ka construction site sa Mactan.

“Maka-dispose ni si Alvin og 10 ngadto sa 20 ka pakete nga shabu matag se­­mana (ngadto sa mga tra­bahante),” butyag sa opisyal.

Si Ric-Ric giingong maoy suguon sa paghatod sa shabu kay aduna siya’y P10 sa higayon nga makahalin og usa ka pakete nga adunay street price nga P150 ngad­to sa P200 matag sachet.

Sa gihimong buy bust operation niadtong Martes sa kaadlawon sa mga tinugyanan sa Operation Section sa Station 2, sa dihang nitunol si Talingting uban sa menor de edad sa shabu dungan sa pagdawat sa P200 nga binayad sa poseur buyer, nakugang ang mga suspek sa dihang nagpa-ila nga pulis ang iyang gibaligyaan.

Nagkanayon si Manatad nga ang reklamo unang nadawat sa PRO 7 sa dihang adunay concerned citizen ang mipadangat pinaagi sa Action File Program.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph