Mga residente sud sa DA 7 dili mohawa

-A A +A

Thursday, May 29, 2014


BABAGAN sa mga pamilya nga nagpuyo sud sa Department of Agriculture (DA) 7 compound sa Barangay Guadalupe, siyudad sa Sugbo ang plano sa kagamhanan sa lalawigan sa Sugbo pagpapahawa kanila gikan sa ilang kasamtangang gipuy-an.

Si Eddie Llamedo, tigpamaba sa Department of Environment and Natural Resources sa Central Visayas ug usa ang pamilya sa mga nagpuyo sa dapit, namahayag nga hugot nila
nga gisupak ang lakang nga himuon sa probinsya.

Matod niya aduna sila’y mga dokumento nga magmatuod nga legal ang ilang pagpuyo sa lote nga ilang giukopahan.

Advertisement

“The residents will oppose the implementation of the alleged order as pushed by (Paul) Entera and (Loi) Madrigal,” nagkanayon si Llamedo sa text message sa Sun.Star Superbalita kagahapon.

Si Entera, supervising administrative officer sa Provincial General Services Office, ang giingong mihatag og tagal sa mga pamilya hangtod sa kataposan ning buwana sa
pagpahawa sa ilang gipuy-an.

Samtang, si Madrigal ang mopatuman sa eviction sanglit siya ang nangulo sa Squatting Prevention and Demolition Division sa Kapitolyo.

Karong alas 9 sa buntag magpundok ang mga residente sa dapit uban sa presensiya sa Presidential Commission for the Urban Poor.

Si Provincial Legal Officer Orvi Ortega namahayag nga magtigom una sila sa ad hoc committee sa Kapitolyo labot niini sa dili pa siya moluwat og komentaryo.

Apan iyang gitahasan si Madrigal nga mosumitir og report ngadto sa iyang buhatan.

“So I can look at it. So we will take appropriate actions thereafter ug depende unsay assessment nato,” pagpasabot sa manlalaban ngadto sa mga tigbalita sa Kapitolyo kagahapon.

Si Llamedo nihulagway nga di makiangayon ang plano sa Kapitolyo tungod kay subra na sa 30 ka tuig nga sila nagpuyo sud sa DA compound.

Ang iyang amahan usa ka retirado nga kawani sa DA 7.

Samtang, si Carlos Lucero, presidente sa DA Cebu Agriculture Breeding Residents Association, Inc., nibarog nga aduna silay titulo sa yuta nga magmatuod nga ang nasudnong kagamhanan ang nanag-iya sa 6.2 ektarya nga propiyedad.

Niadtong 2010, ang Regional Trial Court (RTC) Branch 5 niluwat og writ of preliminary injunction nga nagpugong sa administrasyon ni kanhi Gobernador ug karon Kong. Gwen
Garcia sa pagpapahawa sa mga pamilya nga nagpuyo sa nahisgotang lugar.

“A writ of preliminary injunction is hereby ordered to be issued enjoining the defendant Province of Cebu from disturbing the possession of the occupants of the DA compound and the operation of the DA laboratories in the latter’s building located in the subject properties in dispute, and from taking possession and utilizing the properties in the meantime,” tipik sa desisyon ni anhing RTC Branch 5 presiding judge Douglas Marigomen.

Ang huwes wa moresulbar sa isyu sa nanag-iya sa lote apan nitugot sa writ tungod kay ang “public interests and welfare” “ought to be of utmost consideration.”

Si kanhi Cebu City mayor Tomas Osmeña maoy nitabang sa homeowners pagduso sa reklamo ngadto sa korte.

Ang probinsya nisang-at og motion for reconsideration apan gibasura ni Marigomen.

Si Atty. Benjamin Militar, nagrepresentar sa homeowners, nagkanayon ang probinsya nidangop sa Court of Appeals-Cebu Station pagbali sa desisyon ni Marigomen. Apan ang CA wa pay hukom niini.

“The writ of injunction stands valid and it cannot be violated,” siya nipasabot.

Gipatik sa mantalaang SuperBalita Cebu Mayo 30, 2014.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for December 22, 2014
Sun.Star Jobs
  • Pnoy
  • goodearth
  • Sun.Star Zup!
  • Philippine Polls
  • tell it to sunstar
  • Festivals
  • ePaper
  • Sunstar Multimedia
  • Pacman blog
  • Filipino Abroad
  • Calamity Report
  • Habemus Papam
  • Obituary
  • SunStar Celebrity
  • Technology
  • Sinulog