16 nasikop sa drug den sa Duljo

Saturday, March 28, 2015 - 07:59 p.m.

DILI mominos 16 ka mga tawo, lakip sa 5 ka menor de edad nga news boys, ang nasikop sa kapulisan nga nagsuyop sulod sa drug den sa Barangay Duljo Fa­tima, dakbayan sa Sugbo niadtong Biyernes sa alas 11:40 sa gabii.

Ang mga sakop sa City Intelligence Branch (CIB) sa Cebu City Police Office (CCPO) mao ang nipahigayon sa pagronda.

Eleksyon sa 2016 mobalik sa manual?

Saturday, March 28, 2015 - 07:58 p.m.

MAPUGOS ang Commission on Elections (Comelec) pagbalik sa manual sa umaabot nga piniliay sa sunod tuig kon dili dayon maresUlbar sa Korte Suprema ang petisyon batok sa kasabotan tali sa komisyon ug Smartmatic-TIM.

Si Atty. Ferdinand Gujilde, provincial election officer sa Sugbo, niingon nga maapektuhan ang pagpangandam sa Co­melec sa 2016 presidential elections kon malangay ang pagresolbar sa Korte Suprema.

Bendita sa Lukay

Saturday, March 28, 2015 - 07:57 p.m.

ANG Bendita sa Lukay o Palm Sunday, usa ka dako nga selebrasyon sa mga Kristiyanos nga nag-abli sa Semana Santa nga nagsugod karong adlawa.

Ang balaan nga semana nagpahinumdum sa pag-antos, pagkamatay ug pagkabanhaw ni Hesukristo.

2-anyos, ginang pulos angol

Saturday, March 28, 2015 - 07:56 p.m.

UPAT ka sakyanan nagkarambola sa eskina sa dalan MJ Cuenco ug T. Padilla, dakbayan sa Sugbo, pasado alas 11:00 sa miaging gabii, 2-anyos nga bata ug ginang pulos angol.

Usa ka multicab nga nawagtangan og prino ang nidasmag sa naghunong nga duha ka mga taxi ug laing motorsiklo nga daplin sa dalan.

Gas Station gitulis

Saturday, March 28, 2015 - 07:56 p.m.

PETRON gas station sa Sitio Gohawon, Barangay Poblacion, Malabuyoc, Sugbo nga gi­panag-iya ni Lito Narci­so Creus III, anak sa mayor sa lungsod, gi-tulis sa duha ka mga lalake kagahapon ug kapin sa P2 mil ang nadala.

Sa hot pursuit operation sa kapulisan, ang mga suspek nasikop sa lungsod sa Alegria uban sa hiniusang pwersa sa Alegria ug Malabuyoc.

Hepe namatay

Saturday, March 28, 2015 - 07:51 p.m.

HEPE sa Asturias Police Station, Sr. Insp. Glenn Devocion, 46, namatay human giataki sa sakit sa kasingkasing kagahapon sa buntag sa panimalay sa Barangay Labangon, dakbayan sa Sugbo.

Si Sr. Supt. Noel Gillamac, direktor sa Cebu Provincial Police Office (CPPO), nipadangat sa iyang pahasubo ngadto sa pamilya, kabanay ug mga higala ni Devocion. Nasubo si Gillamac sa pagkahanaw ni Devecion nga gihulagway niya nga maayo og performance sa trabaho.

Seguridad sa bus terminal gihigpitan

Saturday, March 28, 2015 - 07:50 p.m.

Alang sa seguridad sa mga pasahero nga manakay sa Cebu South Bus Terminal (CSBT) alang sa bakasyon sa Semana Santa, ang tagdumala sa pasilidad nihimo na karon og lakang aron dili na maabot sa gawas ang linya sa mga tawo ug pagsiguro nga anaa sulod sa compound ang tanang pasahero.

Di na gusto ang CSBT management nga masubli pa ang nahitabo sa miaging mga peak season, diin niabot sa gawas sa terminal hangtod na ngadto sa tapad niini nga mall ang linya sa mga pasahero nga buot makasakay og bus paingon sa ilang tagsatagsa ka mga destinasyon.

Kriminalidad gituki

Saturday, March 28, 2015 - 07:49 p.m.

GAWAS sa nagsingabot nga Semana Santa, ang kagamhanan sa dak­ba­yan sa Sugbo nangandam sa mga dagkong kalihukan nga molanat Enero sunod tuig lakip na ang mga krimen nga nagpasulabi sa dakbayan.

Si Mayor Michael Rama nipatawag sa mga opisyal sa Cebu City Police Office (CCPO) pinangulohan ni P/SSupt. Mariano Batiancela ug mga pangulo sa Bureau of Jail Management and Penology, Bureau of Fire Protection, ug mga department head sa Cebu City Hall alang sa command conference.

Cargo ship nasunog sa Ouano Wharf

Saturday, March 28, 2015 - 07:48 p.m.

USA ka cargo vessel sa Ouano Wharf, Barangay Looc, dakbayan sa Mandaue ang nagkayo niadtong Huwebes sa gabii.

Hinuon, way gikataho nga naangol sa maong insidente, matod ni SFO2 Nilo Cosido sa Bureau of Fire Protection sa dakbayan.

Kapitan sa San Roque, Talisay sayop: Villarante

Saturday, March 28, 2015 - 07:47 p.m.

SAYOP ang barangay kapitan sa San Roque, dakbayan sa Talisay nga niisyu og backfilling permit sa usa ka kompaniya nga wala moagi sa pagtuki sa konseho sa barangay.

Mao kini ang komentaryo ni Bise Mayor Romeo Villarante human nidangop sa iyang buhatan ang mayoriya sa konseho sa San Roque humang ilang ipabakwi sa ilang barangay kapitan ang giisyu nga permiso sa WT construction.

Graduation sa TCC mipadayon taliwa sa kontrobersiya

Saturday, March 28, 2015 - 07:47 p.m.

BISAN pa sa kontrobersiya nga mitumaw, ninggraduwar ang 838 ka mga tinun-an sa Talisay City College (TCC) atol sa seremonyas niadtong Biyernes sa hapon.

Lakip sa gipapaso kadtong mikuha og masters degree nga una nang gikataho nga walay pagtugot  sa Commission on Higher Education (CHEd).

Cortes miawhag sa pagsusi sa tanang kanal sa Mandaue

Saturday, March 28, 2015 - 07:45 p.m.

GIAWHAG ni Mandaue City Mayor Jonas Cortes ang mga barangay opisyal sa dakbayan sa pagsusi sa mga kanal sa kabarangayan aron kini limpyohan kon pananglit barado kini karong ting-init.

Saysay ni Cortes nga angayang pahimuslan sa mga opisyal ang panahon karon aron kapangandaman ang pagbaha panahon sa uwan-uwan.

Pamalandong unaha: Palma

Friday, March 27, 2015 - 09:25 p.m.

PAMALANDUNGI ang mga kaagi ug sakripisyo ni Hesukristo sa pagsugod na sa Semana Santa ugma ug himoa kini nga panahon sa pagbag-o sa kaugalingon alang sa kaayohan, awhag ni Cebu Archbishop Jose Palma ngadto sa mga magtutuo nga Sugbuanon.

Ang arsobispo subli nipahinumdom sa katawhan nga ang Semana Santa dili panahon sa bakasyon, pagsuroysuroy ug pagpangaligo sa dagat sama sa gibuhat sa uban.

Mama, anak, umagad nasikop sa buy bust

Friday, March 27, 2015 - 09:24 p.m.

INAHAN, anak ug umagad, gipangpusasan sa kapulisan human nakuhaag shabu sa buy bust operation niadtong Huwebes sa alas 2:35 sa hapon sa Dike Seventh Heaven, Barangay Don Juan Climaco, dakbayan sa Toledo.

Si Mercy Gonzales, 43, dunay kapuyo, toll fee collector, gidakop human nakuhaag usa ka pakite sa gituohang shabu ug P200 nga buy bust money ingon man 30 ka gagmayng putos sa shabu ug usa ka dakong putos.

6 ka balay ugdaw

Friday, March 27, 2015 - 09:23 p.m.

UNOM ka mga balay, lakip ang usa ka kan-anan ug baligyaanan og DVD, naugdaw samtang nakan-anan ang usa ka apartment human mi-ulbo ang sunog kagahapon sa alas 4:52 sa hapon sa may Duterte street, Banawa, Barangay Guadalupe, dakbayan sa Sugbo.

Si Chief Insp. Rogelio Bongabong, hepe sa Cebu City Fire Department nga nahinabi sa 24 Oras sa GMA 7, nagkanayon nga ang sunog nagsugod sa kusina sa balay ni Noa Verano.

CSBT way building, occupancy permits human sa 20 ka tuig nga operasyon

Friday, March 27, 2015 - 09:22 p.m.

GIANGKON karon sa tagdumala sa Cebu South Bus Terminal nga wa diay building ug occupancy permit ang maong pasilidad sukad natukod ubos sa administrasyon ni kanhi gobernador Emilio “Lito” Osmeña.

Mao ni ang hinungdan nganong di sila makabuwelo sa pagpatuman og dugang kalambuan sa terminal.

Binuwang hatag gisalikway ni Mike

Friday, March 27, 2015 - 09:12 p.m.

REQUEST denied

Mao ni ang mubo nga tubag ni Mayor Michael Rama sa demand letter ni Atty. Reymelio Delute, usa ka senior citizen, nga himuong binuwan ang paghatag sa financial aid sa iyang mga kauban dinhi sa dakbayan sa Sugbo.

Mga santos iyang gisangpit sa exam

Friday, March 27, 2015 - 09:11 p.m.

GAMITA sa tinarong nga paagi ilabi na sa pagpangalagad alang sa kaayohan sa komunidad ang gasa sa pagkahimo nga bag-ong manlalaban.

Mao kini ang mensahe ni Cebu Archbishop Jose Palma sa bag-ong mga abogado ug abogada.

Kuwaresma panahon sa pagnulsol, pangompisal

Friday, March 27, 2015 - 09:02 p.m.

ANG panahon sa Kwaresma nagdasig ug nagpahinumdom sa mga Romano Katoliko sa pagpangompisal.

Si Msgr. Esteban Binghay, Episcopal vicar sa Artsidyosesis sa Sugbo, namahayag ang pagkumpisal sa tawo sa iyang mga sala ngadto sa pari usa ka paagi sa pagbag-o sa kaugalingon.

Sugat sa Minglanilla andam na

Friday, March 27, 2015 - 09:01 p.m.

ANDAM na ang kagamhanan sa lungsod sa Minglanilla sa dako nilang kalihukan nga Sugat Kabanhawan Festival diin ang maong kalihukan gigahinan og P2.5 milyones, isip tipik sa kasaulogan sa Semana Santa.

Kini maoy gibutyag sa ilang Municipal Administrator Concordio Mejias nga nahinabi sa Sun.Star Superbalita niingon nga base sa ilang nasabotan sa simbahan ang kalihukan adto gihapon ipahigayon sa ilang dako nga oval.

Anak misumbag sa iyang amahan

Friday, March 27, 2015 - 08:56 p.m.

PRESIDENT GARCIA, Bohol — Gisumbag ang usa ka amahan sa iyang anak dihang nagkabingkil ang duha

Ang insidente nahitabo niadtong Lunes sa gabii didto sa Purok 6 Barangay Campamanog ning lungsod.

Taga - Ms. Earth mibisita sa Ormoc

Friday, March 27, 2015 - 08:54 p.m.

ORMOC CITY - Nibista kagahapon sa lokal nga kagamhanan ning dakbayan ang representane niini sa Miss Earth 2015 nga gitakda sa karong Mayo 31.

Si Darlene Pepito Anderson, 24, kansang inahan ug apohan lumad sa Ormoc apan nagpuyo karon sa Canada.

Lalake nalumos sa fish pond, patay

Friday, March 27, 2015 - 08:53 p.m.

TALIBON, Bohol — Nakaplagang patay ang usa ka giila nga Rosito Marimon dihang nalumos sa lawom nga parte sa usa ka fish pond sa Barangay Bagacay, Talibon, Bohol niadtong Martes.

Nahaw-as ang lawas pasado mga alas 5:00 sa hapon.

Pagtabon sa nawong gidili

Friday, March 27, 2015 - 08:52 p.m.

DUMAGUETE CITY - Aprobado na sa ikatulong pagbasa sa konseho sa dakbayan sa Dumaguete ang proposed ordinance sa pagdili sa mga motorista sa paggamit ug bonnet o full faced helmet o pagtabon sa identity sa tawo.

Sila konsehal Antonio Remollo ug Franklin “JJ” Esmena Jr. nga maoy miduso sa balaudnon malipayon diin gikauyonan sa mayorya sa mga konsehal sa dakbayan.

Mananagat missing

Friday, March 27, 2015 - 08:50 p.m.

DUMAGUETE CITY - Lain na usab ang na-missing sa kadagatan sa lungsod sa Siaton diin amahan ug anak ang nanagat kini niadtong miaging adlaw ug hangtod ning pagsuwat wala pa makit-i ang duha ka mananagat.

Ang mga biktima giila nga sila si Romeo Bajo ug Richard Bajo, molupyo sa naasoyng lungsod.

Pusher nasikop

Friday, March 27, 2015 - 08:49 p.m.

CAIBIRAN, Biliran - Gituhoang tigpayuhot og ilegal nga drugas nasikop sa kapulisan sa Biliran kagahapon sa udto.

Ang suspek giila nga si Eduardo Luberano alyas ‘Kokoy’, 39, nagpuyo sa Block 1, Barangay Tambulilid dakbayan sa Ormoc apan temporaryong nagpuyo sa Sitio San Agustin, Barangay Uson, Caibiran Biliran.

Permit ipabawi gyud

Friday, March 27, 2015 - 08:48 p.m.

MAYORIYA sa konseho sa barangay San Roque, dakbayan sa Talisay gustong ipabawi sa ilang barangay kapitan ang giisyung backfilling permit sa WT Construction nga way pagpahibawo sa konseho sa barangay.

Una niini, ang mga lumolupyo sa sityo Kintolimbo ningdangop sa Sun.Star Superbalita kay ang luna nga gipanag-iya sa WT Constrution gitambakan sa ilang mga ginubang semento sa karsada sa North Reclamation Area.

Citom nangandam sa pagbaha sa 4 mil ka bikers sa karsada

Friday, March 27, 2015 - 08:46 p.m.

ANG City Traffic Operations and Management(Citom) andam na sa ipahigayon Earth Hour night ride nga langkuban sa dul-an 4,000 ka mga seklista sugod karong alas 8:00 sa gabii gikan sa I.T. Park libot sa nag-unang mga karsada sa dakbayan sa Sugbo.

Gipaabot nga maapektuhan ang dagan sa trapiko sa pagsugod na sa pagsikad sa mga biker base sa kasinatian sa nangaging katuigan sukad gipahigayong tinuig ang kalihukan.

Malaysian nga mountain climber nia sa Sugbo

Friday, March 27, 2015 - 08:45 p.m.

NAA karon sa Sugbo ang labing una nga Malaysian climber nga solong nakatungtong sa Mt. Everest (North Face) aron mosuporta sa Earth Hour karong gabii.

Si Ravichandran Tharuma-lingam, kinsa lumad nga taga Kuala Lumpur, Malaysia lakip nga motambong sa Earth Hour Night Ride nga pagasalmotan sa mga bikers dinhi sa Sugbo.

Lalake gipatay sa kanhi uyab sa iyang girlfriend

Thursday, March 26, 2015 - 08:20 p.m.

GIPAPILI niya ang iyang girlfriend kinsa nilang duha sa iyang karibal ang iyang gustong ikauban sa tibuok kinabuhi samtang silang tulo diha sa usa ka kuwarto sa usa ka boarding house.

Dihang giprangkahan siya sa iyang girlfriend nga ang iyang karibal maoy mas bug-at sa iyang kasingkasing, niibot siya sa iyang gitagoang armas ug gipusil sa ulo makausa ang lalake.

Today's front page

superbalita-cebu-2015-03-29
  • SunStar Celebrity
  • ePaper
  • Sunstar Multimedia
  • tell it to sunstar
  • Habemus Papam
  • Technology
  • Festivals
  • Sun.Star Zup!
  • Philippine Polls
  • Filipino Abroad
  • goodearth
  • Pacman blog
  • Pnoy
  • Papal Visit
  • Sinulog
  • Obituary
  • Calamity Report