SUPORTADO sa Department of Health (DOH) 7 ang pagpabakwit sa kagamhanan sa siyudad sa Sugbo sa mga lumolupyo sa Sitio Dumpsite Barangay Inayawan.
Apan gusto sa DOH 7 nga mabalhin unta kini nga mga residente sa lugar nga layo sa risgo ingon man nga luwas sila sa sakit dili susama diha duol sa maong landfill.
Ang health education and promotions officer sa DOH 7 nga si Ligaya Moneva niingon nga delikado kaayo sa panglawas ang baho sa basura sa landfill.
Dugang ni Moneva nga karong panahon sa ting-init paspas ang pag-ferment sa linabay nga basura sa basura diin kon masimhot kini sa mga residente dilikado kini sa ilang panglawas.
Posible nga sakit nga kalibanga kun diarrhea usab ang makuha sa mga residente panaglitan makontaminado ang gipreparar nga pagkaon niini.
Nitataw si Moneva nga pinaagi sa ilaga ug langaw sa dumpsite kinsa mao ang mga nagdala sa mga kagaw mao nga makontaminado ang pagkaon nga maoy makaingon sa sakit.