Kontraktor mitanyag sa Talisay nga silay motukod sa reclamation

KONTRAKTOR nga nagbase sa Metro Manila ni­tanyag sa kagamhanan sa Talisay nga mohimog reclamation project nga way gasto ang dakbayan.

Nipasalig kini nga makakuwarta pa ang Siyudad ug makamugna pa daghang trabaho kon mahinayon.

Atol sa session kahgahapon sa buntag, si Engr. Desiderio Estinozo, chairman ug chief executive officer sa DTE Construction and Development, nibisita sa session.

Siya nipahibawo nga nakadungong silag report nga adunay plano ang Siyudad sa Talisay nga mohimo og reclamation project.

Nitanyag sila sa ilang serbisyo sa kompaniya nga adunay kasusyo nga dakong kompaniya sa gawas sa nasud nga maoy mohimo sa reclamation project nga way gasto ang kagamhanan hangtod nga mahuman.

Makakuwarta pa ang Talisay City tungod kay mohatag silag bahin sa kita unya niini nga 30 por­sento ug motabang sa mga barangay.

Matod ni Estinozo nga makamugna usab kini og daghang trabaho sa Talisay sanglit usa sa ilang plano mao ang pagbutang og international container port, industrial area shipyard ug uban pa.

Si City Legal Officer Atty. Alfredo Sipalay niingon nga ang pag-reclaim sa usa ka bahin sa dakbayan dako og matabang ilabi na sa tinguha ni Mayor Johnny delos Reyes nga molambo ang Talisay sa natad sa ekonomiya.

Apan si Bise Mayor Romeo Villarante niawhag sa kontraktor sa pagduso og pormal nga proposal ngadto sa konseho sa ilang proyekto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph