ADUNA pay ikatulo ug katapusang termino isip congressman sa ika-unom nga distrito sa Cebu Province si Rep. Gabriel Luis Quisumbing o Luigi.
Apan mas gipili ni Luigi, 36, nga magpapili pagka-mayor tungod sa iyang “gugma” para sa Mandaue. Ang sixth district naglangkob sa siyudad sa Mandaue ug mga lungsod sa Consolacion ug Cordova.
Nisulod si Luigi sa politika niadtong 2004 ug nagpapili isip Provincial Board member. Napakyas siya sa iyang tinguha. Nagpapili isip kongresista sa sixth district niadtong 2007 apan, sama sa 2004, pakyas gihapon. Usa ra ang tawo nga nipildi niya: si Nerissa Soon-Ruiz.
Tuig 2010 napili siya nga kongresista sa sixth district ug natagaan og ikaduhang termino niadtong 2013.
Kagikan
Natawo si Luigi sa Manila apan sa Cebu nagtungha. Dugay na nga nanimuyo ug nagnesgosyo ang pamilya Quisumbing sa Mandaue. Ang iyang lolo Norberto unang nagnegosyo og posporo (Pano match) sa wa pa magnegosyo og motorsiklo. Ang Norkis Group of Companies usa sa mga karaan ug dako nga business locators sa Mandaue City.
Alang ni Luigi, dili tagaan og balor kung diin siya gipanganak aron makaalagad siya sa mga Mandauehanon.
“Let’s make this very, very clear, to anybody that’s listening. Everybody who loves the city deserves to serve the city. What really matters is, do you really comply with the standards based on law? And most importantly, do you love the city and do you want it to succeed?”
Matod niya, 50 ka tuig nang gapuyo ang pamilya Quisumbing sa Mandaue.
Ang iyang kadaugan sa mga nangaging eleksyon nagpasabot nga apil na siya sa komunidad sa Mandaue.
Gani, si anhing Thadeo Ouano, sa mayor pa kini sa Mandaue, nipasidungog sa pamilya Quisumbing “for being such a member of this community.”
Si Thadeo amahan ni Lolypop Ouano-Dizon, ang iyang kaatbang.
“Mandauehanon is a choice. You choose to love the city and you choose to serve the city. Anybody who wants to re-classify a Mandauehanon as a first class and a second class Mandauehanon does not have a sincere intent to serve the people.”
Unsay nakabentaha niya ni Lolypop? “Sinsiridad ug kapabilidad.”
Mga dinaliang kalabotan
Tulo ka concerns o kalabotan ang atubangon dayon ni Luigi kung mapili siya nga mayor.
Trivia
Collections: Star Wars figures nga nasugdan dihang 4 anyos pa siya; basket balls nga adunay autograph sa mga sikat nga NBA players; golf balls nga naay pirma sa mga inilang tawo; boxing gloves nga pinirmahan ni Manny Pacquiao
Yes to boxing, basketball, Golden State Warriors, books
Stress reliever: Pamilya; ang pagminyo “is the most meaningful thing I’ve ever done in my life.”