PPI nanawagan sa paghunong na sa pagpatay sa mga journalist

HUNONGA ang pagpamatay sa mga journa­list.

Mao kini ang pahinumdom sa Philippine Press Institute (PPI) sa publiko human pito na ka tuig ang milabay sa Ampatuan Massacre diin 34 ka tawo ang gipamatay ug mayoriya niini sakop sa media.

Niadtong Biyernes, usa ka candle lighting ang gihimo sa mga sakop sa media sa Sugbo inuba­nan sa PPI ug ni Presidential Communications Secretary Martin Andanar.

Kabahin kini sa kalihokan sa ika-22 ka tuig sa Cebu Press Freedom Week Celebration diin mao kini ang nag-inusara nga selebrasyon sa sakop sa media sa nasod.

Si Ariel Cervantes, exe­cutive director sa PPI, nag­kanayon nga matag 23 nga petsa sa buwan, ilahang gihinumdom ang Ampatuan Massacre.

Kini aron paghunong sa media killings sa nasod nga way bisan usa nga nasilotan ug nataral sa hukmanan.

“Importante yung gumagalaw tayo sa isang environment, nakagalaw tayo ng tama at yung trabaho natin is really to move freely because there is a democracy in press freedom (as a journalist), si Cervantes nagkana­yon.

Samtang plano na usab sa kasamtangan nga administrasyon nga moluwat og administrative order alang sa usa ka task force batok media killings.

Matod ni Andanar nga ang task force langkuban sa nagkadaiyang buhatan sama sa Executive Secretary, Department of Justice, media organizations sama sa Kapisanan ng mga Broadkaster ng Pilipinas.

“Kaning task force para ni makatabang ta sa problema sa atong nasod sa media killings. Naka concentrate ni sa media. Sa una adunay task force sa extrajudicial killings but broad kaayo siya karon kaning task force concetrate g’yud sa media,” matod ni Andanar.

Kagabii gipahigayon ang closing party alang sa usa ka semana nga Cebu Press Freedom Week diin nagsugod kini niadtong Septiyembre 17.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph