P6 M shabu nasakmit sa raid sa Lapu | SunStar

P6 M shabu nasakmit sa raid sa Lapu

Time to read
1 minute
Read so far

P6 M shabu nasakmit sa raid sa Lapu

Thursday, February 16, 2017

GIHULAGWAY sa kapulisan nga 'godfather' sa sindikato sa gidiling drugas sa Sugbo nasikop ug nakuhaan og P6 milyunes nga shabu sa buy-bust operation sa Philippine Drugs Enforcement Agency ( PDEA-7) niadtong Miyerkules sa alas 3:30 sa hapon sa Sitio Ibabao, Barangay Agus, dakbayan sa Lapu-lapu.

Si Rogelio Romo, 56, minyo, ug taga Barangay Pasil, dakbayan sa Sugbo, nakuhaan og usa ka kilong shabu, diin mokabat sa P6 milyones.

Si PDEA 7 Director Yogi Filemon Ruiz nibutyag nga ang shbau nga nakuha nila kang Romo gikan kini sa mainland China nga posibling gikarga kini sa barko nga nga gisugat lang sa mga sindikato sab sa gidiling drugas dinhi sa Pilipinas.

Si Ruiz niingon nga modus sa grupo ang gisulod nila ang druga sa tea bag dayon makaduha giputos sa pinaagi sa pagsilyado niini aron pagtakuban sa ilang kalihukan.

Dugang ni Ruzi, ang maong drugas maoy i-supply ni Romo sa Lapulapu ug ubang lugar sa Sugbo diin sa ilang nakuhang impormasyon kini maoy mobahig sa mga kinilo ngadto sa iyang mga kustomer.

Usa sa high value target si Romo, kinsa kinilong shabu ang ma-dispose niini sa mga higalang kustomer, diin ka kunsabo ang ubang miyembro sa Pamilya.

Si Ruiz niingon nga dunay mga sakop sa pamilya si Romo nga ka kunsabo niini sa pagpadagan sa ginadiling drugas sa dugay nang panahon.

Apan nasundan kini sa ilang mga ahente hinungdan nga duh aka simana naumol ang ilahang operas­yon batok niini human dunay nakasulti kabahin sa pagpadagan niining ilegal diha sa Lapulapu.

“Mahulagway nato nga godfather ni siya sa pagpayuhot sa drugas dako ang ilang operasyon, ang ubang sakop sa pamilya involve,” dugang ni Ruiz.

Tungod sa pagkasikop ni Romo, gihulagway sa PDEA-7 nga dako sab kini og epekto ngadto sa mga kustomer niini nga maoy tig-dispose sa mga gibaligya sa ubang lugar.

Si Romo, misibat sa Pasil, human sab gihingusgan sa kapulisan ang kampaniya sa Operations Tokhang hinungdan nga mibalhin og Lapu-Lapu.

Si Romo, nga nahinabi sa Superbalita Cebu, mibutyag nga usa ka babaye ang naghatod kaniya sa maong shabu niadtong Pebrero 13 sa alas 10:00 sa gabii.

Ang maong babaye nagsakay kini og taxi nga naghatod kaniya sa daghang kinolo nga shabu apan siya sa iyang bahin igo lang nga magbahig niini.

Ang ubang drugas nga gibahig niini ngadto sa tag 100 ngadto sa 200 gramos na-dispose na niini sa iyang mga kaila nga kustomer.

Gipatik sa mantalaang Superbalita Cebu Pebrero 17, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments