Dugay nailhan si Lim sa kapulisan | SunStar

Dugay nailhan si Lim sa kapulisan

Time to read
1 minute
Read so far

Dugay nailhan si Lim sa kapulisan

Monday, March 20, 2017

GIANGKON ni Cebu City Police Director Sr. Supt. Joel Doria nga sukad alas 3 sa kaadlawon niadtong Domingo hangtod pagka alas 12 sa udto, blangko ang Homicide Section kinsa ang nipusil kang Ephraim Nuñal, 33, usa ka nurse sa usa ka pri­badong tambalanan sa dakbayan sa Mandaue bisan kon ilang nakita ang mikatap nga video sa internet.

Pagka alas 12:30 sa hapon, ang Homicide section nakadawat og tawag sa telepono nga ang naa sa video mao si David Lim, Jr., anak ni Davide Lim, Sr, kinsa nakabangga patay sa usa ka motorista pipila ka adlaw na ang nakalabay.

Ala una sa hapon, nakakuha sila og hulagway ni David Lim Jr. pinaagi sa internet ug 30 mi­nutos ang nakalabay, ilang gidala ang hulagway sa tambalanan aron ipakita kang Nuñal apan gipaubos pa kini sa operasyon.

Alas 5 na sa hapon nakaga­was si Nuñal sa operating room.

Sa dihang nakita ang hulagway, positibo niya kining giila nga maoy nipusil kaniya.

Pagka ala 6 sa gabii, nakadawat og tawag ang Homicide Section nga nakit-an kini sa Windland Tower.

Ila dayon kini nga gisusi ug nakig-alayon sa security supervisor aron ma search ang tanang parking area sa building apan wa nila kini makit-i.

Alas 8 sa gabii miadto sila sa Maria Luisa Village sa balay sa amahan ni Lim apan alas 8:40 na sila nakasulod tungod sa mga koordinasyon nga ilang gilusad.

Niabot na lang og alas 10:20 sa gabii, wa silay nakitang David Lim Jr.

Ilang gitun-an sa pagkaka­ron ang paglakip sa hinigugma niini nga makita sa video bisan kon nisuway ni og pugong sa suspek sa pagpusil.

Apan niuban kini pagsakay sa sakyanan ug mipalayo nga wa manawag sa kapulisan.

“Accessories pwede natin syang isama considering na alam na­man natin na yung suspect natin tumakbo. And wala siyang ginawa. Sumama pa sya duon. Sa ngayon considered as per­son of interest siya,” matod ni Doria.

Nakakuha na ug record ang CCPO sa itom nga Mercedes Benz nga gimaneho ni Lim nga dunay plate number UWI 731.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments