Kaparian dili paubanon sa Tokhang: Palma | SunStar

Kaparian dili paubanon sa Tokhang: Palma

Time to read
less than
1 minute
Read so far

Kaparian dili paubanon sa Tokhang: Palma

Monday, March 20, 2017

DI mausab ang baruga­nan sa artsidyosesis sa Sugbo sa pagdili sa mga pari nga moapil sa pagbalik sa Oplan Tokhang operations sa kapulisan.

Gisulti kini ni Arsobispo Jose Palma human ang rector sa Don Bosco Youth Center sa Barangay Pasil nga si Padre Fr. Lamberto “Jun” Paradiang niuban sa mga pulis sa Oplan Tokhang operation sa Pasil ug Suba sa siyudad sa Sugbo sa miaging semana.

Si Palma namahayag nga dunay kaugalingon nga superiors ang mga pari nga na­sakop sa relihiyuso nga mga organisasyon sama ni Pa­­radiang, kinsa parokyano usab sa Sto. Niño Parish sa Barangay Pasil.

Apan nagpaabot siya niini nga makigestorya niya sama sa gibuhat ni Padre Jonas Mejares nga nipasabot sa iyang habig bahin sa giingong plano pagkuyog sa Tokhang.

Matod ni Palma nakita niya ang mga rason ni Paradiang nga makaayo kini sa simbahan diin mapahibawo ang mga drug surrenderer nga du­nay community-based drug rehabilitation programs ang artsidyosesis sa pag-apil sa Oplan Tokhang.

Apan iyang gibarugan nga dili makaayo sa mga pari kon mouban sa Tokhang operations nga iyang gihulagway nga sama sa pagpabalik sa silot kamatayon sa mga drug surrenderee diin daghan na ang mga nangamatay.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments