Lim motahan | SunStar

Lim motahan

Time to read
1 minute
Read so far

Lim motahan

Monday, March 20, 2017

David Lim Jr. (File Foto)

ANG negusyanteng si David Lim Jr., kinsa giakusahang nipusil sa usa ka 33 anyos nga nars sa lalis labot sa trapiko niadtong Dominggo sa kaadlawon nipadala na og surrender feelers.

Si Lim giingong motahan ngadto kang Police Regional Office (PRO) 7 Director Noli Taliño human makapusil kang Ephraim Nuñal.

Sa usa ka text message nga gipadala ngadto kang Special Assistant to the President, Christopher Bong Go, ang inahan sa batan-ong Lim nga si Bebong niingon nga motuman sila sa iyang tambag.

“Sir Bong, the family decided to follow your advice to surrender my son David Lim Jr. to the regional commander Chief Superintendent Noli Talino tomorrow,” matod sa text message.

“Please help us facilitate his surrender and safety,” dugang niini.

Human masayod pinaagi sa telebisyon, si Taliño niingon nga nalipay siya.

“Maganda yung kung mag-surrender siya,” nagkanayon si Taliño sa Superbalita Cebu.

Kagahapon, usa ka kasaligang tinubdan niingon nga si Lim nakasakay sa Cathay Pacific flight number CX 922 padung sa Hongkong mga alas 12:35 niadtong Dominggo sa udto.

Taliwa niini, ang Aviation Se­curity Unit (AVSEU ) 7 wa ma­sayod kon si Lim luwan ba sa mao nga flight, apan ang kasaligang tinubdan niingon nga si Lim sakay sa mao nga abyon.

Bisan ang Bureau of Immigration wa masayod kon si Lim nakagawas ba sa nasod.

“Sorry, wa pa sad koy idea about anang David Lim, Jr.,” nagkanayon si BI Special Pro­se­cutor Ronaldo Deray sa iyang text message sa mga tigbalita.

Bisan si Mayor Tomas Osmeña, sa iyang bahin, nagkanayon nga subay sa iyang nasayran, wa pa makabiya si Lim Jr., sanglit wa kini natala nga record sa BI.

Si Osmeña mismo uban sa kapulisan niadto sa balay sa amahan ni Lim Jr., sa Maria Luisa village sa miaging gabii apan wa sila ablihi dayon.

Matod pa sa mayor nga niapil siya sa eksina sanglit adunay pagduhaduha ang kapulisan pagsikop kang Lim.

Ang ilang pag-adto sa balay ni Lim apil sa 48 oras nga hot pursuit operation.

Pag-abot nila sa balay, wa ablihi ang gate hinungdan nga usa sa mga police ang nikatkat ubos sa mando sa mayor aron maabli ug didto nagka-estorya sila ni Lim Sr., nga iyang gihulagway nga cooperative sa imbestigasyon.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments