Live-in partner nga supplier og gidiling druga sa Talisay, misibat | SunStar

Live-in partner nga supplier og gidiling druga sa Talisay, misibat

Time to read
less than
1 minute
Read so far

Live-in partner nga supplier og gidiling druga sa Talisay, misibat

Monday, March 20, 2017

KOMPRAHANAN og shabu sa mag-live-in partner nga tigbaligya sa mga ti­nun-an nga Korean national sa siyudad sa Talisay na­kasibat sa gihi­mong follow-up.

Sakyanan nga adunay mga bala sa nagkadaiyang bala sa armas ug shabu ang nakuha sa kapaulisan ug nahibaw-an nga taga lungsod sa Medellin.

Una niini, niadtong Sabado pasado alas 6:00 sa gabii nipahigayon og Oplan Sita ang kapulisan sa Talisay sa Tityo Hawod, Barangay Bulacao atubangan sa usa ka Korean School diin ilang gisita si Anna Faith Juarez Cabras, 22, taga Cebu City.

Nakuha gikan sa dinakpan ang usa ka medium size nga gituohang shabu ug usa ka sudlanan sa sigarilyo nga dunay sud nga 24 ka gagmayng paki­te nga gituohang shabu.

Ginababana nga ang tanan motimbang og kapin singko gramos nga ang tanan mokantidad og kapin sa P63,000.

Si Cabras kapuyo ni Reynaldo Abellanosa, 39, taga Central Bulacao, nga u­nang nasikop sa kapulisan ug tig­luto sa Korean school apan tigb­aligya og shabu sa mga tinun-an.

Matod ni Supt. Emerson Dante, hepe sa Talisay Police Station, human nila masikop si Cabras ug inbestigasyon nilutaw ang pangan nga Rexel Sinangote, alyas Ondo, hingkod ang panuigon, nga taga lungsod sa Medellin.

Ang kapulisan nikontak sa suspek ug gihimo ang buy-bust ope­ration ug nagkasinabot nga magkita sa Laray, Barangay San Roque, Talisay.

Sakay sa iyang sakyanan nga Honda Civic ang suspek nga dunay plakang YDR-135 ug kolor nga bluish silver. Naka­matikod siya nga pulis ang iyang gi­kasabot ug nisibat nga gibiyaan ang iyang sakyanan.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments