Mahalong awto sa ATM skimmers nabawi | SunStar

Mahalong awto sa ATM skimmers nabawi

Time to read
1 minute
Read so far

Mahalong awto sa ATM skimmers nabawi

Monday, March 20, 2017

Gitanggong sa PRO 7. Mao kini ang Toyota Camry nga gipanag-iya sa Romanian skimming syndicate nga nasakmit sa kapulisan ug gitanggong karon sa Police Regional Office (PRO) 7. (Allan Cuizon)

NABAWI sa Police Regional Office (PRO) 7 ang sakyanan sa duha ka mga Romanian national nga gitumbok nga responsabli sa skimming device nga nakabiktima na og daghang ATM card holders sa siyudad sa Sugbo.

Ang puti nga Toyota Camry nga dunay plate number ZKM 158 giabandonar sulod sa Ayala basement parking area niadtong Marso 17 sa wala pa masikop ang duha ka langyaw.

Unang gialarma sa mga guwardya sa mall ang maong sakyanan niadtong Marso 16 sanglit abli kini ug wala na balika sa tag-iya niini ug sa dihang ilang gihiling ang CCTV video ilang nasuta nga duha ka langyaw ang nagdala niini.

Ilang gihiling ang sulod na surprisa sila nga dunay kuwarta nga moabot ngadto sa P3 million cash.

Apan giuli kini sa management sa maong mga langyaw lakip na ang sakyanan.

Apan pagka Marso 17, nibalik na sab ang maong sakyanan ug wala na usab balika.

Gitan-aw sa mga security officer ang cctv camera ug ilang nasuta nga lahi na ang nagdala niini apan dako ang ilang pagtuong kauban ra sanglit susama kini ug pamanit.

Matod ni Sr. Supt. Jonathan Cabal, hepe sa Regional Intelligence Division sa Police Regional Office 7, mohimo sila og lawom nga imbestigasyon ug molusad ug laing manhunt operation sa laing duha ka Romanian national nga gituohan nga kauban sa mga nadakpan sa NBI.

Samtang, ang mga suspek nga silang  Ion Costel alyas Alin Dumitru Chirita ug "Daniel Dawis", Ionut Alexandru Mitrache ug Razvan Aurelian Stance gidala sa mga tinugyanan sa NBI sa Cebu City Prosecutor's Office apan igo na lang nga gi-docket ang kaso apan wala pa sila mapaubos sa inquest proceeding human naabtan sa cut-off niini.

Padayong pang gipangita ang laing suspek nga si Mircea Bordan alyas Jozef Gal.

Karong adlawa, Martes, ang tulo ipaubos sa inquest ang mga dinakpan.

Matod ni NBI 7 Regional Director Patricio Bernales, wala pa nila gilakip sa pagpasaka ang mga reklamong theft nga giduso sa mga biktima diin moabot na og napulo ka mga tawo.

Ang ilang giduso nga reklamo, subay lang sa mga kahimanan nga nakuha gikan sa ilang posisyon, nga gituohang gigamit sa pagpangawat og kuwarta sa ATM skimming.

Igo lang sa pagtabon sa ilang mga nawong ang mga sinumbong nga Romanian national ug wala kini motubag sa mga pangutana sa media.

Si Christopher Ruiz, abogado sa mga suspek, nii­ngon nga inosente ang iyang mga kliyenteng langyaw. Dugang ni AZDL

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments